9-دىكابىر، ئۇيغۇر ئاگېنىتلىقى
بۈگۈن 9ـ دىكابىر خىتتاي تاجاۋۇزچىلىرىنىڭ قىرغىنچىلىق سىياسىتى رەسمى يۇسۇندا ئىرقى قىرغىنچىلىق دەپ لوندون ئۇيغۇر سوتى تەرپىدىن دۇنياغا ئىلان قىلىنغان خاتىرە كۈن. بۇ كۈن ۋە 10 ـ دىكابىر دۇنيا ئىنسان ھەقلىرى كۈنى مۇناسىۋىتى بىلەن شېۋىتسيە ئۇيغۇر بىرلىكى شىۋېتسىيە پارلامىنتى ئالدىدا نامايىش ئۇيۇشتۇردى.
نامايىشچىلار تۆۋەندىكىلەرنى تەلەپ قىلدى:
«بىز بۈگۈن بۇ يەردە شىۋېتسىيە سىياسىيۇنلىرى ۋە خەلقىگە خىتاي ھاكىمىيىتىنىڭ شەرقىي تۈركىستاندىكى ئۇيغۇر ۋە باشقا مىللەتلەرگە قاراتقان جىنايىتىنى ئەسلىتش ئۈچۈن تۇرۋاتىمىز.
2021-يىلى 12-ئاينىڭ 9-كۈنى ، لوندون ئۇيغۇر سوتى خىتاي ھاكىمىيىتىنىڭ ئىرقىي قىرغىنچىلىق ۋە ئىنسانىيەتكە قارشى جىنايەت ئۆتكۈزگەنلىكىنى ھۆكۈم قىلدى. بەزى دۆلەتلەر ۋە پارلامېنتلارمۇ بۇنى ئېتىراپ قىلدى ، ئەمما شىۋېتسىيە يەنىلا سۈكۈت قىلماقتا.
12-ئاينىڭ 10-كۈنى خەلقئارا ئىنسان ھەقلىرى كۈنى مۇناسىۋىتى بىلەن بىز خەلقئارا جامائەت ۋە شىۋېتسىيە ھۆكۈمىتىنى شەرقىي تۈركىستاندىكى ئىرقىي قىرغىنچىلىقنى توختىتىشقا ھەرىكەت قىلىشقا چاقىرىمىز.»
مەنبەسى: شېۋىتسيە ئۇيغۇر بىرلىكى
