ئامىنە ۋايىت \سەدەف
دۇنيا ئۇيغۇر قۇرۇلتىيىنىڭ مۇپەتتىشى، «ئۇيغۇر ھەرىكىتى» نىڭ قۇرغۇچىسى، «ئۇيغۇر تەتقىقات مەركىزى» نىڭ ئىجرائىيە دىرېكتورى ۋە قۇرغۇچىلىرىدىن بىرى بولغان ئابدۇلھەكىم ئىدرىس ئەپەندىم تەرىپىدىن يېزىلغان<< قىزىل قىيامەت >> تۈركچە ۋە ئىنگلىزچە ئىككى خىل تىلدا نەشردىن چىقتى. 329 بەتلىك بۇ كىتاب 11 باب ۋە 2 ئەسكەرتمىدىن تەركىب تاپقان بولۇپ ، كىتابتا خىتاي دۆلىتىنىڭ نۆۋەتتە شەرقىي تۈركىستاندا ئېلىپ بېرىۋاتقان ئىرقىي قىرغىنچىلىقىنى ۋە بۇ قىرغىنچىلىقنىڭ تۇنجى نۆۋەتلىك ئېلىپ بېرىلغان قىرغىنچىلىق ئەمەسلىكىنى ، بىر بەلۋاغ بىر يول ئىستراتېگىيەسى ۋە خىتاينىڭ دۇنياغا ھۆكۈمران بولۇش پىلانى، خىتاينىڭ ئوتتۇرا شەرقتىكى ئىقتىسادى مۇناسىۋەتلىرى، خىتاي تۈركىيە مۇناسىۋەتلىرى ۋە خىتاينىڭ ئوتتۇرا ئاسىيادىكى كېڭەيمىچىلىكى ، ئافرىقىنىڭ خىتاي تەرىپىدىن مۇستەملىكە قىلىنىشى، خىتاينىڭ ئىسلام دىنىغا ئېلىپ بېرىۋاتقان بۇزغۇنچىلىقى شۇنداقلا شەرقىي تۈركىستاندىكى ھەرقايسى يېزا – ئىگىلىك دېۋىزىيەلىرىنىڭ خىتاي مۇستەملىكە پىلانى ئىكەنلىكى روشەن پاكىتلار بىلەن ئېچىپ بېرىلگەن. كىتاب شەرقىي تۈركىستان ھەققىدە يېزىلغان ئونلىغان كىتاب ۋە ماقالىلەردىن پايدىلىنىپ يېزىلغان بولۇپ، تەتقىقاتچىلارنىڭ پايدىلىنىشى ئۈچۈن كىتاب ئاخىرىدا 30 بەتلىكتىن ئارتۇق مەنبە قوشۇمچە قىلىنغان.