ۋەتەندىكى يېڭى يۇقۇم ئەھۋالى:5-سىنتەبىر:23 بىمار، باستۇرۇش داۋام قىلماقتا.
تۇرسۇنجان،ئۇيغۇر ئاگېنىتلىقى، 5 سىنتەبىر
9- ئاينىڭ 4 – كۈنى سائەت كەچتە، ختتاينىڭ ئاتالمىش «شىنجاڭ ئۇيغۇر ئاپتونوم رايونلۇق خەلق ھۆكۈمىتى» ئاخبارات ئىشخانىسى يۇقۇم مۇداپىيە-تىزگىن ئەھۋالى ئاخبارات ئېلان قىلىش يىغىنى ئاچتى. يىغىندا 4 -چېسلا سائەت 0 دىن 21 گىچە، شىنجاڭدا يەرلىك ئالامەتسىز يۇقۇملانغۇچىدىن بىر كىشىگە ئېنىق دىياگنوز قويۇلغانلىقى خەۋەرلەندۈرۈلدى.
بىمارلار ئۇ قەدەر كۆپ بولمىسمۇ، كومپارتىيەنىڭ بىمارلارنى نۆلگە چۈشۈرۈش سياسىتى سەۋەبلىك، ئاھالىلەرنى ئىغىر دەرىجىدە كونتىرۇل قىلىش،باستۇرۇش، قامال قىلىش ھەتتا ئاچ قويۇپ ئۆلتۈرۈش سياسىتى داۋام قىلماقتا.
يېڭىدىن كۆپەيگەن 28 ئالامەتسىز يوقۇملانغۇچى ئىچىدە ئۈرۈمچى شەھىرىنىڭ تەڭرىتاغ رايونىدا 4، سايباغ رايونىدا 2، شىمىگو رايونىدا 3، ئىلى ئوبلاستىنىڭ غۇلجا شەھىرىدە 14، تارباغاتاي ۋىلايىتىنىڭ شىخو شەھىرىدە 2، سانجى ئوبلاستىنىڭ جىمىسار ناھىيەسىدە 1 (باشقا ئۆلكىدىن كىرگەن)، بايىنغولىن ئوبلاستىنىڭ كورلا شەھىرىدە 2 سى بار.
يەرلىك ئېنىق دىئاگنوز قويۇلغان بىماردىن ئالتىسى ساقىيىپ دوختۇرخانىدىن چىققان؛ يەرلىك ئالامەتسىز يۇقۇملانغۇچىدىن 238 گە ئايرىپ تېببىي كۆزىتىش بىكار قىلىنغان.
9- ئاينىڭ 4 – كۈنى سائەت 21 گىچە، شىنجاڭ ئۇيغۇر ئاپتونوم رايونىدا يەرلىك ئېنىق دىياگنوز قويۇلغان بىماردىن 23 ى، يەرلىك ئالامەتسىز يۇقۇملانغۇچىدىن 763 ى بار.
