تۈركىيەنىڭ مالاتىيا شەھىرىدە يەر تەۋرەش داۋام قىلىۋاتىدۇ
ئۇيغۇر ئاگېنتلىقى 2023-يىلى 6-فېۋرال
تۈركىيەنىڭ مالاتىيا شەھىرىدە يەر تەۋرەش داۋام قىلىۋاتقان بولۇپ، يەر تەۋرەشتىن پاناھلىنىپ سىرتقا چىققان خەلق ئىسسىنىش ئۈچۈن كارتون يېشىكلەرنى كۆيدۈرۈپ، يوتقان كۆرپىلەرنى يېپىنچا قىلىپ تۇرۇشقا مەجبۇر بۇلغان.
تۈركىيەنىڭ ھەرقايسى شەھەرلىرىدە يۈز بەرگەن يەر تەۋرەش ئاپىتىدە 1000 دىن ئارتۇق كىشىنىڭ ۋاپات بولغانلىقى ھەمدە 1000لارچە بىنالارنىڭ ۋەيران بولغانلىقى، نەچچە مىڭلىغان كىشىنىڭ يارىدار بولغانلىقى خەۋەر قىلىنماقتا.
تۈركىيەدە پائالىيەت قىلىۋاتقان « شەرقىي تۈركىستان مائارىپ-ھەمكارلىق جەمئىيىتى» بىلەن «كۆك ئاي ئىنسانىي ياردەم جەمئىيىتى» ئاپەت بولغان رايونغا ياردەم بېرىش ئۈچۈن ئۇيغۇرلاردىن تەشكىللەنگەن بىر پىدائىيلار ئەترىتى قۇرۇپ ئاپەت ئېغىرراق بولغان قەھرىمانماراش رايونىغا يولغا چىققانلىقى خەۋەر قىلىنماقتا.
