بۈگۈنكى مالايسيا تور بېكىتىنىڭ خەۋەر قىلىشچە،
مالايشىيا باش منستىر ئەنۋەر 26-چېسلا، مەزكۇر دۆلەتنىڭ 12-ئاينىڭ 1-كۈنىدىن باشلاپ، ختاي قاتارلىق دۆلەتلەردىن كەلگەن ساياھەتچىلەرگە 30 كۈن ئىچىدە ۋىزا كەچۈرۈم قىلىش تەدبىرىنى يولغا قويىدىغانلىقىنى بىلدۈرگەن. بۇ تەدبىر يولغا قويۇلغاندىن باشلاپ، مالايشىياغا ساياھەتكە بارىدىغان ختاي، سەئۇدى ئەرەبىستانى، تۈركىيە قاتارلىق دۆلەتلەردىكى ساياھەتچىلەرنىڭ چېگراغا كىرىش مۇددىتى 30 كۈندىن ئېشىپ كەتمىسە ۋىزا كەچۈرۈم قىلىنىدۇ.
ياپونىيە تاراتقۇلىرىدىن نېككى ئاسيا مالايسيانىڭ ختايدىن ۋېزا كەچۈرۈم قىلىش سياسىتىنى مالايسيانىڭ يېقىنقى يىللاردىن بىرى،شەرقى جەنۇبى ئاسيادا ختاي بىلەن تېخىمۇ چوڭقۇر بولغان ئېقتساد ۋە دىپلوماتىيە ئالاقسنى كۈچەيتىش ئۈچۈن ئىلىپ بىرىۋاتقان يەنە بىر ئالاھىدە بەلگىسى دەپ شەرھىيلىگەن.
