تەييارلىغۇچى: مۇھەممەتئىمىن ئۇيغۇر
كوررېكتور: مەنزىل
ئۇيغۇر ئاگېنتلىقى
2018-12-15
ئاناتولىيە ئاگېنتلىقى ۋە ئۇيغۇر ئاگېنتلىقىنىڭ 13-دېكابىر خەۋىرىدە ھىندونوزىيە پارلامىنت ئەزالىرى ئۆز ھۈكۈمىتىدىن خىتاينىڭ شەرقى تۈركىستاندىكى ئۇيغۇر مۇسۇلمانلىرىغا ئېلىپ بېرىۋاتقان ئىرقى قىرغىنچىلىقىنى توختۇتۇشقا بېسىم قىلىشى ۋە خىتاينىڭ ئۇيغۇر مۇسۇلمانلىرىنىڭ ئۈستىدىن باستۇرۇش، ئىرقى قىرغىنىچىلق قىلىش ۋە ئۇنىڭدىن باشقا ۋەھىمىلىك سىياسەتلىرىنى توختىتىشتا ۋە تۈرمە –لاگىرلارغا سۇلانغان مىليۇنلارچە مۇسۇلمانلارنىڭ قۇتۇلىشىدا ئىستىراتىگىيىلىك رول ئويناشنى تەلەپ قىلغان.
ھىندونوزىيە پارلامىنتى تاشقى ئىشلار كومىتېتى ئېلان قىلغان باياناتىدا ھىندونوزىيەنى ئاھالىسى ئەڭ كۆپ مۇسۇلمان دۆلىتى بۇلۇش ۋە خىتاي بىلەن قۇيۇق مۇناسىۋەتلەردە بۇلۇشتەك سۈپىتى بىلەن خىتاي ھۈكۈمىتىنىڭ شەرقى تۇركىستاندىكى ئۇيغۇر مۇسۇلمانلىرىغا يۈرگۈزىۋاتقان سياسەتلىرىنى توختىتىپ، شەرقى تۈركىستان خەلقىنىڭ دىنىي ئەركىنلىكىنى ئەسلىگە كەلتۈرۈشتە خىتاي ھۈكۈمىتى بىلەن ئاكتىپ دىپلۇماتىك ئالاقىلەردە بۇلۇشقا چاقىرىق قىلدى.
ئاناتولىيە ئاگېنتلىقى مۇخپىرىنىڭ پارلامىنت ئەزاسى ۋە مۇئاۋىن رەئىسى سوكامىتانىڭ سۆزىنى نەقىل قىلىپ: «بىز ھۈكۈمىتىمىزنى خىتاي ھۈكۈمىتىنىڭ شەرقى تۇركىستاندىكى ئۇيغۇر مۇسۇلمانلىرىغا يۈرگۈزىۋاتقان سياسەتلىرىنى توختىتىپ، شەرقى تۈركىستان خەلقىنىڭ دىنىي ئەركىنلىكىنى ئەسلىگە كەلتۈرۈشتە خىتاي ھۈكۈمىتى بىلەن ئاكتىپ دىپلۇماتىك ئالاقىلەردە بۇلۇشقا چاقىرىق قىلىمىز ۋە ئۇيغۇرلار دۇچ كېلىۋاتقان كىرزىسلارنى ھەل قىلىشقا بارلىق كۈچىمىزنى ئىشقا سېلىش بىلەن بىرگە باشقا دۆلەتلەرنى، خۇسۇسەن ئىسلام دۆلەتلىرىنى ياردەمگە چاقىرىمىز» دىدى.
مەنبە:
https://www.aa.com.tr/ar/السياسة/إندونيسيا-مشرّعون-يطلبون-التحرك-لإنهاء-اضطهاد-الأويغور-بالصين/1338178
