ئۇيغۇر ئاگېنىتلىقى / ئۇيغۇر تايمىز خەۋىرى, 20-ماي
مىيۇنخېن، گېرمانىيە – ئەنگىلىيە سوت دەۋاسىدىن كەلگەن يېڭى دەلىللەر گېرمانىيەنىڭ فىنتېك گىگانتى Wirecard نىڭ قاچاق سابىق باشقۇرغۇچىسى ۋە گۇمانلىق رۇسىيە جاسۇسى Jan Marsalek نىڭ خىتاي نامىدا مىيۇنخېندىكى ئۇيغۇرلارنى كۈزىتىشنى تەكلىپ قىلغانلىقىنى ئاشكارىلىدى. بۇ تەشۋىشلىك ئاشكارىلاش، گىرمانىيە مىللىي ۋە خەلقئارالىق تېلېۋىزىيە خەۋەر مۇلازىمىتى tagesschau.de نىڭ خەۋەر قىلىشىچە، ياۋروپادىكى ئۇيغۇر دىئاسپورا جامائەتلىرىنىڭ چەت ئەل جاسۇسلۇق ھەرىكەتلىرىنىڭ نىشانىغا ئايلىنىۋاتقانلىقىنىڭ بارغانسېرى كۆپىيىۋاتقان دەلىللىرىگە قوشۇلدى.
مىيۇنخېندىكى ئۇيغۇر جامائىتىنى سىڭىپ كىرىش سۇيىقەستى
لوندوندا يېقىندا ئۆتكۈزۈلگەن بىر سوتتا سۇنۇلغان جەمئىي 200,000 پارچە ئۇچۇر ئالماشتۇرۇش خەتلىرى Marsalek نى رۇسىيە ۋە خىتاي قاتارلىق كۆپلىگەن دۆلەتلەرنىڭ نامىدا جاسۇسلۇق ھەرىكەتلىرىگە چېتىلدۇرىدۇ. 2022-يىلىدىكى بىر ئۇچۇردا، Marsalek بولغارىيەلىك ئالاقىدىشى، جاسۇس گۇرۇپپىسىنىڭ باشلىقى Orlin Roussev دىن ئۇلارنىڭ «خىتايلىق دوستلىرى» نىڭ ئۇنىڭ تەرىپىدىن «ياۋروپادىكى ئۇيغۇر دىئاسپوراسىنىڭ مەركىزى» دەپ تەسۋىرلەنگەن مىيۇنخېنغا سىڭىپ كىرىشكە قىزىقامدۇ-قىزىقمامدۇ دەپ سورىغانلىقى ئېيتىلىدۇ.
Jan Marsalek نىڭ مۇنداق دېگەنلىكى مەلۇم: «مەن بايىلا ئۇيغۇر ساقچى ھۆججەتلىرى توغرىسىدا ئوقۇپ، بۇ كىشىلەرنىڭ گېرمانىيەدىكى مىيۇنخېندا ئىكەنلىكىنى كۆردۈم. بىزنىڭ خىتايلىق دوستلىرىمىز بىزنىڭ بۇ جاينى گېرمانىيە گراژدانلىرى ئارقىلىق بىلەن سىڭىپ كىرىشىمىزگە قىزىقىشى مۇمكىنمۇ؟»
بۇنىڭغا Orlin Roussev نىڭ مۇنداق دەپ جاۋاب بەرگەنلىكى ئېيتىلىدۇ: «مەن بېيجىڭدىكى ئىشخانىغا ئۇچۇر ئەۋەتتىم، ئۇلار بىر كۈن ئىچىدە بىزگە جاۋاب قايتۇرىدۇ.»
Roussev بېيجىڭدىكى «ئىشخانا» بىلەن ئالاقە قىلغانلىقىنى ئېيتقان. كېيىنرەك، Marsalek ئۇلارنىڭ خىتايلىق ھەمكارلىرىنىڭ «مىيۇنخېندىكى ئۇيغۇر مەركىزى» گە سىڭىپ كىرىش پىلانىغا قىزىقمىغانلىقىنى تىلغا ئېلىپ كېيىنكى خەۋەر ئەۋەتكەن.
بۇ ھەقتە ختاي ئۈچۈن نازارەت قىلىشقا ئائىت ھەرقانداق كونكرېت ھەرىكەتنىڭ قوللىنىلغان-قوللىنىلمىغانلىقى ئېنىق ئەمەس، بىراق بۇ خەت ئالماشتۇرۇشلار خەلقئارالىق پائالىيەتچىلەرنىڭ چەت ئەلدىكى ئۇيغۇر جامائەتلىرىنى كۆزىتىشتە ھەمكارلىشىشقا بولغان ئالاھىدە خاھىشىنى نامايان قىلىدۇ.
