چېچەنلەر:مارىپۇل شەھىرىنى ۋەيران قىلدۇق، ئۇكرائىنلىقلاردىن تازىلىدۇق. 20 مىڭ پۇقرا ئۆلتۈرۈلدى
تۇرسۇنجان
ئۇيغۇر ئاگېنتلىقى 2022-يىلى 22-ئاپرېل
ئامېرىكا ئا ب س تېلېۋىزىيەسىنىڭ خەۋەر قىلىشىچە، رۇسىيە ئارمىيەسى ئۇكرائىنا شەرقىدىكى مۇھىم پورت شەھىرىنى 2 ئاي بومباردىمان قىلغاندىن كىيىن، بۇ شەھەرنى پۈتۈنلەي ۋەيران قىلغان بولۇپ، شەھەرنى مۇداپىئە قىلىۋاتقان ئۇكرائىنا ئارمىيەسىنىڭ كۆپ قىسمى يوقىتىلغان. شەھەر ئاھالىسى قاچقان، ئۆلگەن بولۇپ، شەھەر پۈتۈنلەي قۇرۇقدالغان. بۈگۈن رامزان قادىروفنىڭ تېلېگرام ھېسابىدا ئېلان قىلىنغان ۋىدىئودا چېچەن ئارمىيەسى مارىپۇل شەھىرىدە كۆيدۈرۈلگەن بىر بىنا ئالدىدا توختاپ: « بىز بۇ شەھەرنى ۋەيران قىلدۇق، ئۇكرائىنلىقلاردىن تازىلىدۇق دېگەن. ئۇكرائىنا پرېزىدېنتى زىلىنىسكى بولسا، ئۇكرائىنا ئارمىيەسى قىسىملىرىنىڭ شەھەردە تېخىچە قارشىلىق قىلىۋاتقانلىقىنى تەكىتلىگەن.
مارىپۇل شەھىرىنى رۇسىيە ئارمىيەسى ھاۋادىن بومباردىمان قىلىشنى،چېچەنلەر قۇرۇقلۇقتىن قورشاشنى ئۈستىگە ئالغان بولۇپ، خەلقئارا تاراتقۇلاردا مارىپۇل شەھەر باشلىقىنىڭ ئۆتكەن ھەپتىدە 20 مىڭدىن ئارتۇق پۇقرانىڭ ئۆلتۈرۈلگەنلىكىنى بايان قىلغانلىقى خەۋەر قىلىنغان.
