ئۇيغۇر ئاگېنتلىقى، 2021- يىلى 21-ماي
ئارمان
جەنۇبىي كورېيە مەتبۇئاتى 《Daily NK》 نىڭ خەۋەر قىلىشىچە، يېقىندا شىمالىي كورېيەنىڭ 60 ياشلىق بىر ئالىي ئەمەلدارى يۈرەك كېسىلى سەۋەبلىك خىتاي ئىشلەپچىقارغان دورىنى ئىشلەتكەندىن كېيىن قازا قىلغان. خەۋەردە دېيىلىشىچە، مەزكۇر ئەمەلدار شىمالىي كورېيە پرېزىدېنتى كىم جۇڭ ئېننىڭ يېقىنلىرىدىن بولۇپ، ۋەقە يۈز بەرگەندىن كېيىن ئۇ ناھايىتى غەزەپلەنگەن ۋە بۇيرۇق چۈشۈرۈپ شىمالى كورېيە تەۋەسىدە خىتايدىن كىرگۈزۈلگەن بارلىق دورىلارنى ئىشلىتىشتىن چەكلىگەن.
خەۋەردە قەيت قىلىنىشىچە، كىم جۇڭ ئېننىڭ بۇيرۇقى بويىچە خىتايدىن كەلگەن «خىتاي ۋىرۇسى» ۋاكسىنىسىنىڭ ئەۋرىشكىسىمۇ ئۇلارنىڭ تەتقىقات سان ئامبىرىدىن چىقىرىپ تاشلانغان.
