ئۇيغۇر ئاگېنتلىقى
2019-يىلى 21-سېنتەبىر
9 – ئاينىڭ 17 -كۈنى «قورقۇنچقا قارشى ئۇرۇش» ناملىق يۇتۇيۇب ھېسابىدا «شىنجاڭ، يېڭى تەپسىلاتلار» نامىدا بىر سىن ھۆججىتى ئېلان قىلىنغان بولۇپ، دەسلەپكى بىر سېكۇنتلۇق يېرىدە بۇ سىن ھۆججىتىنىڭ مەلۇم بىر كومپيۇتېر پروگراممىسى ئارقىلىق ئىچىدىكى ھۆججەت قىسقۇچىنى ئاچقانلىقىنى ئەكس ئەتتۈرىدىغان كۆرۈنۈش بار. بۇ كۆرۈرمەنلەرگە ۋىدىئو خاككېرلار تەرىپىدىن ئاشكارىلانغاندەك تۇيغۇ بېرىدۇ. ۋىدىئودا 3-4 يۈز ئەتراپىدا مەھبۇس كىيىمى كىيگەن ۋە كىيمىگەن تۇتقۇنلار خىتاي ئالاھىدە ساقچىلىرىنىڭ نازارىتى ئاستىدا پويىزدىن چۈشۈپ يالاپ ئېلىپ مېڭىلغان. مەھبۇسلارنىڭ كىيىمىدە «قەشقەر تۇتۇپ تۇرۇش ئورنى» دەپ يېزىلغان بولۇپ، ۋىدىئو ئېلىنغان كامېرانىڭ ئورۇن بەلگىلەش سىستېمىسى مەزكۇر ئورۇننىڭ كورلا ئىكەنلىكىنى كۆرسەتمەكتە.
ئىجتىمائىي تاراتقۇدا بۇ ۋىدىئونى ھەمبەھىرلەنگەن ناتان رۇسسېر كامېرا ۋە سىن كۆرۈنۈشىنى تېخنىكىلىق تەھلىل قىلىپ، ۋىدىئونىڭ 2018 -يىلى كورلانىڭ غەربى پويىز بېكىتىدە تارتىلغانلىقىنى دەلىللىگەن.
4 days ago a video showing 3-400 detainees handcuffed & blindfolded at a train station in Xinjiang was uploaded to YouTube (https://t.co/GpEaZ7YkIK)
In this thread I'll share how I've verified that this video was filmed at 库尔勒西站 (41.8202, 86.0176) on or around August 18th. pic.twitter.com/hr5xd8nahM— Nathan Ruser (@Nrg8000) September 21, 2019
ۋىدىئودا مەھبۇسلارنىڭ كۆزى قارا لاتا بىلەن تېڭىپ قويۇلغان، ۋىدىئونىڭ 1:24 مىنۇتلۇق يېرىدە مەھبۇس كىيىمى كىيمىگەن بىر تۇتقۇننىڭ پۇتىنىڭ ئالاھىدە ئاقسايدىغانلىقىنى، ئېغىر يارىلانغان بولىشى ئېھتىمالنى ئىلگىرى سۈردى. يۇقىرىقى ئەھۋالغا ئاساسەن بۇ تۇتقۇنلار قەشقەر رايونىدىكى تۈرمىلەردىن يۆتكەلگەن شۇنداقلا يېڭى تۇتۇلغانلار ئىكەنلىكى تەخمىن قىلىندى. ۋىدىئو خىتاينىڭ لاگېر مەسىلىسىنى يوشۇرۇپ قالالمايدىغانلىقى، ئىنسان قېلىپىدىن چىققان قىيناش ئۇسۇللىرىنى قوللىنىۋاتقانلىقىنى ئىسپاتلاش بىلەن بىرگە، بۇ خىل كەڭ كۆلەملىك مەھبۇس تۇشۇش ئەھۋالىنىڭ بەلكى رايۇنلاردىكى تۈرمە ۋە لاگېرلارنىڭ تۇشۇپ كەتكەن بولىشى بىلەن بىلەن مۇناسىۋەتلىك ئىكەنلىكى ئىلگىرى سۈرمەكتە.
