رۇسىيە تاشقى ئىشلار مىنىستىرى: 3-دۇنيا ئۇرۇشى يادرو ئۇرۇشى بولىدۇ
ئۇيغۇر ئاگېنتلىقى 2022-يىلى 3-مارت
ئارمان
رۇسىيە تاشقى ئىشلار مىنىستىرى لاۋروف 3-مارت موسكۋادا مۇخبىرلارنىڭ سوئالىغا جاۋاب بېرىپ مۇنداق دېگەن: « ئامېرىكا پرېزىدېنتى بايدىننىڭ دېيىشىچە، ئېمبارگودىن سىرت بىردىنبىر تاللاش 3- دۇنيا ئۇرۇشى ئىكەن، ئۇنداقتا مەنچە ئەگەر راستىنىلا دۇنيا ئۇرۇشى پارتلاپ قالسا ئۇ چاغدا پەقەتلا يادرو ئۇرۇشى پارتلايدۇ.»
ئۇ يەنە 3-دۇنيا ئۇرۇشىنى غەربلىك سىياسەتچىلەرنىڭ ئاتاپ كەلگەنلىكىنى رۇسىيە خەلقىنىڭ پىكىرى ئەمەس ئىكەنلىكىنى ئالاھىدە ئەسكەرتكەن، ھەمدە مۇنداق دېگەن:« ئەگەر ئۇرۇش نوقۇل ھالدا بىزگە قارىتىلسا، بۇ پىلاننى تۈزگەنلەر ئەستايىدىل ئويلىنىپ بېقىشى كېرەك، مېنىڭچە ئۇلار بۇ ئۇرۇش پىلانىنى تۈزۈۋاتىدۇ.»
