قىسقا خەۋەر:زىلنىسكى شى جىنپىڭ بىلەن تېلېفونلاشتى
ئۇيغۇر ئاگېنتلىقى 2023-يىلى 28-ئاپرېل
ئۇكرائىنا پرېزىدېنتى زىلنىسكى بىلەن خىتاي رەئىسى جاللات شى جىنپىڭ تېلېفونلاشتى. بۇ خىتاي ئۆزىنىڭ ئوبرازىنى ياخشىلاش، فىرانسىيە باش ئەلچىسى قىلغان :« سابىق سوۋېت ئىتتىپاقى جۇمھۇرىيەتلىرىنىڭ ھازىرقى مۇستەقىللىقىنى ئېتىراپ قىلماسلىق» ھەققىدىكى باياناتىدىن كېيىن ئابرۇيىنى قوغداش ئۈچۈن ئىلىپ بارغان دىپلوماتىك ھەرىكىتىدىن ئىبارەتتۇر.
شى جىنپىڭ ئىلگىرى ئىران بىلەن سەئۇدى ئەرەبىستاننى ياراشتۇرۇش ئارقىلىق خىتاينىڭ خەلقئارادا ھۆرمەتكە سازاۋەر دۆلەت ئىكەنلىكىنى بىلدۈرمەكچى بولغان.
مۇتەخەسسىسلەر شى نىڭ ياراشتۇرغۇچى بولۇش سالاھىيىتىدىن گۇمانلىنىدۇ، چۈنكى خىتاي ھازىرغىچە دىپلوماتىيە ۋە ئىقتىسادى جەھەتتە رۇسىيەنى قوللاپ كەلمەكتە.
زىلنسكى بولسا شى جىنپىڭنىڭ ئۇرۇش توختىتىشتا مۇھىم رول ئوينىشىنى، ھېچبولمىسا رۇسىيەگە ياردەم قىلماسلىقىنى ئۈمىد قىلىدۇ. ئەمما ئۇكرائىنا :« رۇسىيە بېسىۋالغان زېمىنلاردىن چىقىپ كەتمىگۈچە، ئۇرۇشنى توختاتمايمىز» دەپ بايانات بەردى.
