يەھۇدىيلار تۇنجى قېتىم ئەرەب بىرلەشمە خەلىپىلىكىدە چوڭ كۆلەمدە پاسئورىر (ئازادلىق )بايرىمى تەبرىكلەيدۇ
تۇرسۇنجان
ئۇيغۇر ئاگېنتلىقى 2022-يىلى 25-ئاپرېل
« ۋول ستچرىت» گېزىتى خەۋىرىگە قارىغاندا، ئىسرائىلىيە ۋە ئامېرىكىدىن كەلگەن يەھۇدىيلار ئەرەب بىرلەشمە خەلىپىلىكىنىڭ دۇبەي ۋە ئەبۇ دەبى شەھەرلىرىدە تۇنجى قېتىم چوڭ كۆلەمدە پاسئورىر (ئازادلىق )بايرىمىنى تەبرىكلەيدۇ. پاسئورىر بايرىمى بىر ھەپتىگە قەدەر سوزۇلىدىغان، يەھۇدىيلارنىڭ باھار پەسلىدە تەبرىكلىنىدىغان بايرىمى بولۇپ، يەھۇدىيلارنىڭ تارىختا مىسىرلىقلاردىن ئازاد بولغانلىقىنى خاتىرىلەشنى مەقسەت قىلغان.
2020-يىلى ئامېرىكا پرېزىدېنتى ترامپ ۋە مايك پومپيو ئەرەب دۆلەتلىرى بىلەن ئىسرائىلىيە ئوتتۇرىدا ئابراھام كېلىشىمى تۈزەپ، ئىتتىپاقلىق ئورناتقان بولۇپ، ھازىرغىچە، ئەرەب بىرلەشمە خەلىپىلىكى، بەھرەين، ماراكەش قاتارلىق دۆلەتلەر ئىسرائىلىيە بىلەن مەزكۇر كېلىشىم ئاساسىدا دىپلوماتىك مۇناسىۋەتنى ئەسلىگە كەلتۈرگەن، ئەرەب بىرلەشمە خەلىپىلىكى بىلەن ئىسرائىلىيە ئوتتۇرىدا ئايروپىلان ۋە باشقا ساياھەت باشلىغان.
