ئۇيغۇر تايمىز-ئۇيغۇر ئاگېنىتلىقى، 10-ئېيۇن
يۇقىرى دەرىجىدە تەشكىللەنگەن تەشۋىقات ئويۇنىدا، خىتاي ھۆكۈمەت دائىرىلىرى ئۇيغۇر ۋەتىنىنىڭ پايتەختى ئۈرۈمچىدە—ئاتالمىش ، سىمۋوللۇق «شىنجاڭ خەلق تىياتىرى» مەيدانىدا قۇربان ھېيت تەبرىك ئۇسۇلىنى ئۇيۇشتۇردى، بۇنىڭدا ھۆكۈمەتنى قوللايدىغان ناخشىلار ۋە سەھنىلەشتۈرۈلگەن مىللىي ئۇسسۇل نۇمۇرلىرى كۆرسىتىلدى.
زۇلۇمنى ئاقلاش ۋە خىتاي كوممۇنىستىك پارتىيەسىنىڭ «مىللەتلەر ئىتتىپاقلىقى» ھېكايىسىنى تەرغىب قىلىش ئۈچۈن داۋاملىق تىرىشچانلىقنىڭ بىر قىسمى سۈپىتىدە، دۆلەت قوللىشىدىكى خىتاي سەنئەتكارلىرى، جۈملىدىن رايونلۇق دۆلەت ناخشا-ئۇسسۇل ئانسامبىلى (歌舞团) ئەزالىرى ئەنئەنىۋى ئۇيغۇر كىيىملىرىنى كىيىپ، «بىزنىڭ شىنجاڭىمىز ياخشى جاي» (我们新疆好地方)، «گۈل نېمىشقا بۇنچە قىزىل» (花儿为什么这样红) ۋە «قارا ئات» (黑走马) قاتارلىق كونا پارتىيە ناخشىلىرىغا ئۇسسۇللارنى ئورۇنلاشقا مەجبۇرلاندى—بۇ ناخشىلار تارىخىي جەھەتتىن خەلق ئازادلىق ئارمىيەسى ۋە پارتىيەنىڭ ئۇيغۇر رايونىدىكى كامپانىيەلىرىگە باغلانغان.
ھەقىقىي قۇربان ھېيت بايرىمىغا سېلىشتۇرغاندا—ئۇيغۇرلار ئەنئەنىۋى ھالدا بۇ كۈننى مال قۇربانلىق قىلىش، ئائىلە زىيارەتلىرى، مەھەللە بالىلىرىغا سوۋغات بېرىش ۋە ئوچۇق مەيدانلاردا كوللېكتىپ «سامە» ئۇسسۇل يىغىلىشلىرى بىلەن ئۆتكۈزىدۇ—بۇ تەبىئىي مەدەنىيەت ۋە ئېتىقاد ئىپادىلىرى 2016-يىلدىن بۇيان خىتاي دۆلىتى تەرىپىدىن چەكلەنگەن. مۇستەقىل، جەمئىيەت باشچىلىقىدىكى دىنىي ۋە مەدەنىي پائالىيەتلەر خىتاي ھۆكۈمىتىنىڭ قاتتىق سىياسەتلىرىنى يوشۇرۇشنى مەقسەت قىلغان قاتتىق كونتروللۇق، سىياسىيلاشتۇرۇلغان نامايىشلار بىلەن ئالماشتۇرۇلدى.
خىتاي دۆلەت تەشۋىقات ئورگىنى «شىنخۇا خەۋەر ئاگېنتلىقى»نىڭ خەۋىرىگە ئاساسلانغاندا، «قۇربان ھېيتنى تەبرىكلەش، بىرلىكتە ئىتتىپاقلىق قۇرۇش» ناملىق بۇ پائالىيەت 6-ئىيۇندا ئۆتكۈزۈلگەن. خەۋەردە «بارلىق مىللەتلەردىن بولغان كىشىلەر ۋە ئارتىسلار كىچىك قىزىل بايراقلارنى لەپىلدىتىپ، بىرلىكتە ‹خىتاينى سۆيىمەن› ناخشىسىنى ئېيتتى» دەپ ماختالغان. شىنجاڭ خەلق تىياتىرىنىڭ بازار دىرېكتورى سۇ لېي: «بۇ مەدەنىيەت زىياپىتى پەقەت كەسپىي ئەترەت تەرىپىدىنلا ئورۇنلانماستىن، يەنە جەمئىيەت سەنئەت ئۆمەكلىرى، مەكتەپ كۇلۇبلىرى ۋە خەلق سەنئەتكارلىرىنىڭ قاتنىشىشىنىمۇ ئۆز ئىچىگە ئالىدۇ، بۇ ‹ بوسۇغىسى يوق -ھەممىگە ئوچۇق› پائالىيەت» دېگەن. تەكىتلەنگەن ناخشىلارنىڭ بىرى بولغان «گۈللەر نېمىشقا بۇنچە قىزىل» ئەسلىدە 1963-يىلىدىكى «مۇز تاغقا كەلگەن مېھمانلار» فىلمىنىڭ ئارىلىق مۇزىكىسى بولۇپ، ئۆزى تاجىك خەلق كۈيىگە ئاساسلانغان—بۇ رېژىمنىڭ مىللىي مەدەنىيەت ئېلېمېنتلىرىنى دۆلەت تەشۋىقاتىغا خىزمەت قىلدۇرۇش ئۈچۈن قانداق قايتا ئىشلىتىدىغانلىقىنىڭ يەنە بىر مىسالى. كۆزەتكۈچىلەر بۇنداق نامايىشلارنىڭ ئۇيغۇر مەدەنىيىتى ياكى دىنىنى ھۆرمەتلەش ئۈچۈن ئەمەس، بەلكى ئۇنى نازارەت ئاستىدىكى پارتىيە كونتروللۇق «بايرام» ھېكايىسى بىلەن ئالماشتۇرۇش ئۈچۈن لايىھەلەنگەنلىكىنى قەيت قىلىدۇ.
