تەييارلىغۇچى: كۆكئالىپ
ئۇيغۇر ئاگېنتلىقى
2019-08-04
گېرمانىيە يېشىللار پارتىيىسىنىڭ بىلدۈرۈشىچە، گېرمانىيە پارلامېنتىسىنىڭ ۋەكىللەر ئۆمىكى بىر ئەزاسىنىڭ ئۇيغۇرلارنى قوللاپ كېلىۋاتقانلىقى سەۋەبلىك خىتتاينى زىيارەت قىلىشى رەت قىلىنغان.
گېرمانىيە پارلامېنتىسىنىڭ رەقەملەشتۈرۈشكە مەسئۇل كومىتېتى بۇ ئاينىڭ ئاخىرىدا شاڭخەي ۋە بېيجىڭدىكى سۈنئىي ئەقلى ئىقتىدارغا ئالاقىدار يېڭى قۇرۇلغان شىركەتلەرنى زىيارەت قىلىشنى پىلانلىغان. بىراق، يېشىللار پارتىيىسىنىڭ بىلدۈرۈشىچە، خىتتاي تەرەپ كومىتېت ئەزاسى مارگارېتې باۋزېنىڭ (Margarete Bause) زىيارەت قىلىشىنى رەت قىلغانلىقى ئۈچۈن، بۇ ئۆمەكنىڭ زىيارىتى بىكار بولۇش خەۋپى ئاستىدا قالغان.
ئۇزۇندىن بېرى ئۇيغۇرلارنىڭ كىشىلىك ھوقۇقىنى قوللاپ كېلىۋاتقان مارگارېتې باۋزې خانىم، بۇ زىيارەتكە پارتىيىسىدىكى خىزمەتدىشى ۋە كومىتېت باشلىقى دىتېر يانېسېكنىىڭ (Dieter Janecek) ئورنىغا ۋاقىتلىق كومىتېت ئەزاسى سۈپىتىدە قېتىلغان.
مارگارېتې باۋزې خانىم گېرمانىيە خەۋەر ئاگېنتلىقىغا مۇنۇلارنى بىلدۈردى: « خىتتاينىڭ ئۇچۇرىدا، ئەگەر تىزىملىكتە مەن بار بولسام، بۇ ۋەكىللەر ئۆمىكىنىڭ خىتتايدا زىيارەتتە بولالمايدىغانلىقى يېزىلغان، بۇنى ھەرگىزمۇ قۇبۇل قىلغىلى بولمايدۇ. مەن كىشىلىك ھوقۇقنى جاراڭلىق ۋە ئېنىق قوللاۋاتقان پارلامېنت ئەزالىرىنىڭ ئاۋازىنى ئۆچۈرۈشكە بولغان ئورۇنۇشنى كۆرىۋاتىمەن.»
Die KP #China hat mich offenbar auf die schwarze Liste gesetzt und verweigert mir die Einreise. Mein Einsatz für die #Menschenrechte wird dadurch nur gestärkt.
Delegationsreise – Margarete Bause darf wohl nicht nach China einreisen https://t.co/ZzIY68foXJ
— Margarete Bause (@MargareteBause) August 3, 2019
ئۇ ئۆزىنىڭ تىۋىتتىر ھىسابىدا، « بۇ مىنىڭ كىشىلىك ھوقۇق ئۈچۈن كۈرەش قىلىشىمنى تېخىمۇ كۈچەيتىدۇ خالاس.» دەپ ئۇچۇر يوللىغان.
بۇ كومىتىت 23- ئاۋغۇستتتىن 1- سىنتەبىرگىچە خىتايدا زىيارەتتە بولۇشنى پىلانلىغان.
