شى جىنپىڭ موسكۋاغا يېتىپ كېلىپ پۇتىن بىلەن كۆرۈشتى
يۈسۈپجان
ئۇيغۇر ئاگېنتلىقى 2023-يىلى 20-مارت
خىتاي رەئىسى شى جىنپىڭ 20-مارت رۇسىيە پايتەختى موسكۋاغا يېتىپ كېلىپ پرېزىدېنت پۇتىن بىلەن كۆرۈشتى. رۇسىيە ئورگان ئاخبارات ۋاسىتىلىرىنىڭ خەۋەرلىرىدە شى نىڭ بۇ قېتىملىق زىيارىتىنى بىر قېتىملىق «دوستلۇق، ھەمكارلىق ۋە تىنچلىق سەپىرى» دەپ تەرىپلەشتى. مەلۇم بولۇشىچە شى نىڭ رۇسىيە زىيارىتى ئۈچ كۈن داۋاملىشىدىكەن.
«فىرانسىيە خەلقئارا رادىئوسى» نىڭ بۇ ھەقتىكى خەۋىرىدە مۇنداق يېزىلىدۇ: « بۇ قېتىملىق كۆرۈشۈش، شى جىنپىڭنىڭ ئۈچىنچى قېتىملىق دۆلەت رەئىسلىك ھوقۇقىنى ئالغاندىن كېيىنكى تۇنجى قېتىم بىر چەتئەل رەھبىرى بىلەن كۆرۈشۈشى شۇنداقلا خەلقئارا جىنايى ئىشلار سوتى تەرىپىدىن تۇتۇش بۇيرۇقى چىقىرىلغان پۇتىن بىلەن قول سىقىشقان تۇنجى دۆلەت رەھبىرى بولۇپ ھېسابلىنىدۇ…»
