ئۇكرائىنا قارارىنى ئۆزگەرتىپ ئۇيغۇرلارنى قوللايدىغانلىقىنى ئېلان قىلدى
ئۇيغۇر ئاگېنتلىقى 2022-يىلى 7-ئۆكتەبىر
فىرانسىيە ئاخبارات ئاگېنتلىقىنىڭ 7-ئۆكتەبىردىكى خەۋىرىگە ئاساسلانغاندا، ئۇكرائىنانىڭ ب د ت دا تۇرۇشلۇق ۋەكىلى Yevheniia Filipenko جۈمە كۈنى بايانات بېرىپ 6- ئۆكتەبىر كىشىلىك ھوقۇق كېڭىشىدە ئېلىپ بېرىلغان ئۇيغۇر مەسىلىسى توغرىسىدىكى قارارنامىگە ئۇكرائىنا تاشلىغان «ۋاز كېچىش» بېلىتىنى « قوللاش بېلىتى»گە ئۆزگەرتىشنى ئىلتىماس قىلغان.
خەۋەردە دېيىلىشىچە، بىرلەشكەن دۆلەتلەر تەشكىلاتى كىشىلىك ھوقۇق كېڭىشى رەئىسى، ئارگېنتىنالىق Federico Villegas ئۇكرائىنانىڭ ئىلتىماسىغا قارىتا « بىز بۇ ئىلتىماسقا دىققەت قىلىمىز» دەپ ئىنكاس قايتۇرغان. ئەمما تەكىتلەپ، بېلەت تاشلاشنىڭ نەتىجىسى بويىچە تۈنۈگۈنكى ئېلان قىلغان قارارنى ئۆزگەرتمەيدىغانلىقىنى ئىپادىلىگەن.
