تەيۋەن پرېزىدېنتى ۋە مۇئاۋىن پرېزىدېنتى يەر تەۋرەشتە قازا قىلغانلارغا ئايلىق مائاشىنى ھەدىيە قىلىدىغانلىقىنى جاكارلىغان
ئېھسان شۈكران
ئۇيغۇر ئاگېنتلىقى 2023-يىلى 9-فېۋرال
تەيۋەن پرېزىدېنتى سەي يېڭۋېن ۋە مۇئاۋىن پرېزىدېنتى ۋىليام لەي بايانات بېرىپ ئۆزلىرىنىڭ ئايلىق ئىش ھەققىنى تۈركىيەدىكى يەر تەۋرەشتە قازا قىلغانلارنىڭ ئائىلە تاۋابىئاتلىرىغا ياردەم قىلىنىدىغانلىقىنى ئېلان قىلغان.
باياناتتا مۇنداق دېيىلگەن : « پرېزىدېنت سەي ۋە ئۇنىڭ مۇئاۋىن لېدىرى ئۆزلىرىنىڭ مەسئۇلىيىتىنى ئادا قىلىپ، تۈركىيەنىڭ يەر تەۋرەش رايونىنى تېزدىن ئەسلىگە كەلتۈرۈشىگە ياردەم قىلىشنى ئۈمىد قىلىدۇ».
تەيۋەن تۈركىيەدە يۈز بەرگەن يەر تەۋرەشكە 2 مىليون دوللار ياردەم مەبلىغى ئاجراتقان ۋە ئىككى قۇتقۇزۇش ئەترىتى ئەۋەتىپ ئىزدەش ۋە قۇتقۇزۇش خىزمىتىگە قاتناشقان.
مەنبە : Euronews Türkçe
