- ئۇيغۇر ئاگېنتلىقى
- تەييارلىغۇچى: سەبرى
- 2020-02-23
«خوتەن گېزىتى» نىڭ خەۋىرىگە كۆرە، 2-ئاينىڭ 22-كۈنى خوتەن ۋىلايىتىنىڭ خوتەن شەھىرى، خوتەن ناھىيىسى، قارىقاش ناھىيىسى ۋە كېرىيە ناھىيىسىدىن كەلگەن 174 نەپەر ئۇيغۇر ياش ھۆكۈمەت ھۆددىگە ئالغان ئايروپىلان بىلەن خۇنەن ئۆلكىسىنىڭ چاڭشا شەھىرىگە قاراپ ئۇچقان بولۇپ، بۇ يىلدىن بېرى «ئېشىنچا ئەمگەك كۈچى» نامىدا ئىچكىرىگە يۆتكەلگەنلەرنىڭ تۇنجى تۈركۈمى ئىكەن. بۇيىل پەقەت خوتەن ۋىلايىتىدىنلا 10 مىڭدىن ئارتۇن كىشىنى ئىچكىرىدە ئىشقا ئۇرۇنلاشتۇرۇش پىلانلانغان.
خۇنەن ئۆلكىسى بۇ قىتىملىق ۋىرۇس كىرزىسىدا، خىتايدىكى يۇقۇملانغۇچىلار ئەڭ كۆپ چىققان 5- ئۆلكە بولۇپ، 1016 كىشى يۇقۇملانغان 4 كىشى ئۆلگەن (23-فېۋرالغا قەدەر). خۇنەندە ھۆكۈمەت قايتا ئىش باشلاشنى تەلەپ قىلىۋاتقان بولسىمۇ، پەقەت 46% شىركەت قايتا ئىشقا چۈشكەن، ئىشقا بېرىش نىسپىتى ئاران 25.8 % بولغان (21-فېۋرال). ئىشچىلار ئىشقا كەلمەي، زاۋۇتلار ئىش بايلىيالمىغان ياكى ئاز تۈركۈمدە ئىشقا كىرىشكەن. بۇ سەۋەبتىن خىتاي ئۇيغۇر ياشلارنى ۋىرۇستىن يۇقۇملىنىپ قېلىش تەھدىتىگە قارىماستىن، «ئېشىنچا ئەمگەك كۈچى» نامىدا ئىچكىرىدىكى خىتاي زاۋۇتلىرىغا توشۇششقا باشلىغان.
كورونا ۋىروسىنىڭ داۋملىق تارقىلىشى تۈپەيلى ئىقتىسادىنىڭ تېخىمۇ ئەجەللىك زەربىگە ئۇچرىشىنىڭ ئالدىنى ئېلىش ئۈچۈن، خىتاي ھۆكۈمىتى ئۇمۇميۈزلىك قايتا ئىش باشلاش بۇيرۇقىنى چۈشۈرگەن. لېكىن، تەتقىقاتلارغا قارىغاندا، ئەگەر خىتايدا قايتا ئۇمۇميۈزلۈك ئىشلەپچىقىرىش باشلانسا، ھەر كۈنى 533 مىليون ماسكىغا ئىھتىياجلىق بولىدىكەن. ھازىرقى ماسكا ئىشلەپچىقىرىش ئەھۋالىغا قارىغاندا، پەقەت 3.8% ئىھتىياجنى قاندۇرىدىغان بولۇپ، بۇ خىتاي كارخانىلرى قايتا ئىشقا چۈشىشىنىڭ زور خەۋپىنى كۆرسىتىپ بېرىدىكەن.
مەنبە: 和田日报/天山网/湖南省人民政府网/希望之声
- http://dy.163.com/v2/article/detail/F61JSKGC05149HNF.html
- http://v.ts.cn/system/2020/02/23/036110950.shtml
- http://www.hunan.gov.cn/hnszf/hnyw/sy/hnyw1/202002/t20200219_11183646.html
- https://www.soundofhope.org/post/346000
