ئۇيغۇر ئاگىنتلىقى
تەييارلىغۇچى: ئەردەم
2019-12-2
خىتايچە سۇمرۇغ تورىنىڭ خەۋەر قىلىشىچە، 2- دىكابىر ئۇيغۇر ئاپتونوم رايونى سابىق رەئىسى، خىتاي دۆلەتلىك ئىنىرگىيە ئىدارىسى ئىدارە باشلىقى نۇر بەكرىگە خىتاينىڭ لىياۋنىڭ ئۆلكىسى شىنياڭ شەھرى ئوتتۇرا سوتتا مۇددەتسىز قاماق جازاسى ھۆكۈم قىلىنغان. نۇر بەكرى پاراخورلۇق جىنايىتى بىلەن ئەيىبلەنگەن بولۇپ، سىياسىي ھوقۇقىدىن مەڭگۈلۈك مەھرۇم قىلىنغان، ئۇنىڭ بارلىق شەخسىي مال-مۈلكى، پارا ئالغان پۇللىرى مۇسادىرە قىلىنغان. نۇر بەكرى سوت ھۆكۈمىگە رازى بولۇپ، ئەرىز قىلمايدىغانلىقىنى بىلدۈرگەن.
خىتاي دائىرىلىرىنىڭ بىلدۈرۈشىچە، نۇر بەكرى 1998- يىلىدىن 2018- يىلىغىچە قەدەر 20 يىلدا، ھوقۇقىدىن پايدىلىنىپ جەمئىي 79 مىلىيون 100 مىڭ كوي پۇل پارا ئالغان. نۇر بەكرىنىڭ خىيانەت قىلغان پۇل سوممىسى زور بولسىمۇ، ئۇ قولغا ئىلىنغاندىن كىيىن پارا ئالغان كۆپ قىسىم پۇلنى يۇقىرىغا تاپشۇرغان ۋە جىنايىتىگە ئىقرار بولۇپ، پۇشمان قىلغان. شۇڭا ئۇنىڭغا جازاسىنى يەڭگىللىتىپ يۇقارقىدەك ھۆكۈم چىقىرىلغان.
مەنبە:
https://news.ifeng.com/c/7s50l38XTua
