ئافراسياپ
ئۇيغۇر ئاگېنتلىقى، 25- فېۋرال
گوللاندىيە خىتاينىڭ ئۇيغۇرلارغا قارشى جىنايەتلىرىنى ئىرقىي قىرغىنچىلىق دەپ بېكىتكەن ئامېرىكا ۋە كانادادىن كېيىنكى ئۈچىنچى دۆلەت، ياۋروپا بويىچە تۇنجى دۆلەت بولۇپ قالدى.
گوللاندىيە باش منستىرىنىڭ كونسىرۋاتىپلار پارتىىيسى ۋ ۋى دى بۇنىڭغا قارشى بىلەت تاشلىغان بولۇپ، گوللاندىيە تاشقى ئىشلار مىنىستىرلىكى بۇ ھەقتە بايانات بەرمەكچى بولغان. دىپلوماتىيە مىنىستىرى ستېف بىلوك: «ھۆكۈمەت ئىرقىي قىرغىنچىلىق دېگەن سۆزنى ئىشلىتىشنى خالىمايدۇ. چۈنكى بۇ توغرىلىق ب د ت ياكى خەلقئارا سوت تەرىپىدىن قارار ئېلان قىلىنمىدى.» دېگەن بولۇپ، بۇ تەكلىپ ماقۇللانغاندىن كېيىن ئۇ مۇخبىرلارغا: «ئۇيغۇرلارنىڭ ئەھۋالى كىشىنى ئەندىشىگە سالىدۇ» دېگەن. گوللاندىيە بۇ مەسىلىدە باشقا دۆلەتلەر بىلەن ھەمكارلىشىشنى ئۈمىد قىلىدىغانلىقىنى بىلدۈرگەن. بۇ تەكلىپ-لايىھەسىنى تەييارلىغۇچى «سولچىل D-66 پارتىيىسى» نىڭ پارلامېنت ئەزاسى سجوئېرد خەلقئارا ئولىمپىك كومىتېتىغا خىزمەت ئىشلەپ، 2022- يىللىق قىشلىق ئولىمپىك مۇسابىقىسىنى بېيجىڭدىن يىراقلاشتۇرۇشنى ئوتتۇرىغا قويدى. ئۇ رويتېر ئاگېنتلىقىنىڭ سوئاللىرىغا جاۋاب بەرگەن ئېلېكترونلۇق خېتىدە مۇنداق دېگەن: «گوللاندىيە پارلامېنتىنىڭ\ خىتاينىڭ ئۇيغۇرلارغا قارشى ئېلىپ بېرىۋاتقان ۋەھشىيلىكنى\ ئىرقىي قىرغىنچىلىق دەپ تونۇشى – بۇنداق بىر قىرغىنچىلىقنىڭ دۇنيانىڭ باشقا جايلىرىغا يېيىلىشىنىڭ ئالدىنى ئېلىشىمىز ئۈچۈن بىزنى ئەمەلى ھەرىكەتكە باشلايدۇ». خىتاينىڭ جەنۋەدىكى باش ئەلچىسى، چارشەنبە كۈنى: «غەرب كۈچلىرى ئۇيغۇر مەسىلىسىدىن پايدىلىنىپ، دۆلىتىمىزىنىڭ ئىچكى ئىشلىرىغا ئارىلاشتى.» دەپ ئەيىبلىدى.
