نەنسى پلوسى خانىمنىڭ زىيارىتىدىن كېيىنكى تۇنجى ياۋروپا ۋەكىللەر ئۆمىكى تەيۋەنگە يېتىپ كەلدى
ئۇيغۇر ئاگېنتلىقى 2021-يىلى7-سېنتەبىر
تەيۋەن يەرلىك تاراتقۇلىرىنىڭ خەۋەر قىلىشىچە، فىرانسىيە پارلامېنتى ئاۋام پالاتاسىنىڭ بىر پارتىيە ھالقىغان ۋەكىللەر ئۆمىكى 7-سېنتەبىر تەيۋەنگە يېتىپ كېلىپ شۇ جايدىكى ئالتە كۈنلۈك زىيارىتىنى باشلىغان. بۇ فىرانسىيە پارلامېنتى ئاۋام پالاتاسىنىڭ بىر يىل ئىچىدىكى تۆتىنچى قېتىملىق تەيۋەنگە ئەۋەتكەن زىيارەت ئۆمىكى بولۇپ، ئاۋغۇستتىكى نەنسى پلوسى خانىمنىڭ تەيۋەن زىيارىتىدىن كېيىنكى تۇنجى ياۋروپادىن كەلگەن زىيارەت ئۆمىكى بولۇپ ھېسابلىنىدىكەن.
مەزكۇر زىيارەت ئۆمىكى فىرانسىيە پارلامېنتىدىكى ئوخشىمىغان پارتىيەلەردىن كەلگەن 5 نەپەر پارلامېنت ئەزاسىدىن تەركىب تاپقان بولۇپ، بۇلار زىيارەت جەريانىدا تەيۋەن مۇئاۋىن پرېزىدېنتى لەي چىڭدې، قانۇن تۈزۈش كومىتېتى رەئىسى يوۋ شىكۇن نازارەت مىنىستىرى چېن جۈ قاتارلىق ئەمەلدارلىرى بىلەن كۆرۈشۈشنى پىلانلىغان.
