قادىروفنىڭ چېچەن قوشۇنلىرى ئېغىر مەغلۇبىيەتتىن كېيىن چېچەنىستانغا قاچتى
تۇرسۇنجان تەرجىمە خەۋىرى
ئۇيغۇر ئاگېنتلىقى 2022-يىلى 21-مارت
ئۇكرائىنا خەۋەرلىرىگە ئاساسلانغاندا، قادىروفنىڭ چېچەن قوشۇنلىرى ئۇكرائىنا ئۇرۇشىدا غايەت زور تالاپەتكە ئۇچرىغاندىن كېيىن چېچەنىستانغا قاراپ قاچقان. ئۇكرائىنا تەرەپ ئۆلگەن چېچەنلەرنىڭ جەسەتلىرىنى يېغىۋېلىش ئۈچۈن چاقىرىق قىلغان بولسىمۇ، چېچەنلەرمۇ رۇسلارغا ئوخشاش ئۆلگەن ئەسكەرلىرى بىلەن ھېچقانداق كارى بولمىغان.
چېچەنلەر ئەڭ باتۇر ۋە ئۇرۇشقا ماھىر ئەسكەرلەر دەپ تەرىپلەنگەن بولۇپ، ئۇكرائىنا ئۇرۇشىغا 10 مىڭدىن ئارتۇق قوشۇن ئەۋەتىلگەن. ئەمما ھېچقانداق نەتىجە قازىنالمىغان. ھازىر چېچەنلەر ئارىسىدا قادىروفقا قارشى سادالار كۈچەيمەكتە ئىكەن.
