تەييارلىغۇچى: ھىدايەتۇللاھ
ئۇيغۇر ئاگېنتلىقى
2019-08-24
23-ئاۋغۇست خىتاي ھۆكۈمىتى ئامېرىكىدىن خىتايغا سېتىلىدىغان ماشىنا ۋە ماشىنا زاپچاسلىرى قاتارلىق 5078 خىل تاۋارلىرىغا قارىتا ئالدىغان 75 مىلياردلىق تاموژنا بېجىغا 10%، 5% جازا بېجى قوشۇپ ئالدىغانلىقىنى، بۇ قارارنىڭ 2019 – يىلى 1-سېنتەبىر ۋە 2019 – يىلى 1 – دېكابىر ئىككىگە بۆلۈپ ئىجرا قىلىدىغانلىقىنى ئېلان قىلدى.
2019-يىلى 15—ئاۋغۇست ئامېرىكا ھۆكۈمىتى خىتايدىن ئامېرىكىغا سېتىلىدىغان تاۋارلىرىغا قۇيۇلىدىغان 300 مىليارد تاموژنا بېجىنى 10% جازا بېجى قويۇشنى قارار قىلىپ، بۇ قارارنىڭ 2019 – يىلى 1-سېنتەبىر ۋە 2019 – يىلى 1 – دېكابىر ئىككىگە بۆلۈپ ئىجرا قىلىدىغانلىقىنى ئېلان قىلغان.
23- ئاۋغۇست خىتتاي مالىيە مىنىستىرلىقى ئورگان تورىدا ئامېرىكىنىڭ بۇ قارارىنى تەنقىد قىلىپ: ئامېرىكىنىڭ بۇ قارارى ئامېرىكا-خىتاي ئىككى دۆلەت ئوتتۇرسىدىكى سۈركىلىشنى تېخىمۇ يۇقىرى پەللىگە چىقىرىدۇ ۋە ئىككى دۆلەت رەھبەرلىرىنىڭ ئارگېنتىنا ۋە ئوساكادىكى ئۇچرىشىشىدا ئورتاق تونۇشقا كەلگەن قارارلىرىغا خىلاپلىق قىلغان بولىدۇ دەپ بايانات بەردى.
خىتاينىڭ ئۆچ ئېلىش خاراكتېرلىك قارارىغا تىرامپ ئامېرىكا شىركەتلىرىنى خىتايدىن چېكىنىپ چىقىشقا بۇيرۇق چۈشۈرۈش ئارقىلىق جاۋاپ قايتۇردى
ئۇيغۇر ئاگېنتلىقى ئەرەبچە قانىلىنىڭ خەۋىرىگە كۆرە: خىتاي 23-ئاۋغۇست ئامېرىكا تاۋارلىرىغا ئۆچ ئېلىش خاراكتېرلىك تاموژنا بېجى ئېلىش قارارىنى ئېلان قىلغاندىن كېيىنلا، تىرامپ ئامېرىكىنىڭ خىتايدىكى شىركەتلىرىگە خىتايدىن چېكىنىپ چىقىش بۇيرۇقى چۈشۈرگەن.
تىرامپ يەنە ئاشكارە بىزنىڭ خىتايغا ئېھتىياجىمىز يوق، ئۇلار بولمىسا بىز ئۈچۈن تېخىمۇ ياخشى، يىللاردىن بېرى خىتاي بىزگە مىرليادلارچە زىيان سالدى ۋە ئەقلى ئەمگكىمىزنى ئوغۇرلاپ ئىشلەتتى، بىز چوقۇم ئۇلارنىڭ بۇ قىلمىشىنى توسۇشىمىز كېرەك دېگەن.
…unfair Trading Relationship. China should not have put new Tariffs on 75 BILLION DOLLARS of United States product (politically motivated!). Starting on October 1st, the 250 BILLION DOLLARS of goods and products from China, currently being taxed at 25%, will be taxed at 30%…
— Donald J. Trump (@realDonaldTrump) August 23, 2019
ئۇ يەنە خىتاي تاۋارلىرىدىن ئېلىنىۋاتقان 250 مىرلىيارد دوللار قىممىتىدىكى 25% تاموژنا بېجىنى 30% ئۆستۈرىدىغانلىقىنى، بۇ قارارنىڭ 2019-يىلى 1- ئۆكتەبىردىن باشلاپ ئىجرا قىلىدىغانلىقىنى ئېلان قىلغان.
بۇ قارارلار ئېلان قىلغاندىن كېيىن خىتاي پۇلىنىڭ قىممىتى چۈشۈشكە باشلىغان.
