2019- يىلى 7- فېۋرال، ۋىيانا، ئاۋسترىيە
خەۋەر تەييارلىغۇچى: سەبرى
ئۇيغۇر ئاگېنتلىقى
2019-02-07
[ئەسكەرتىش: تور بېكىتىمىزدە ئېلان قىلىنغان تەرجىمە خەۋەر ياكى ماقالە، ئۈچىنچى تەرەپ ئاپتورلۇقىدىكى ماقالە، ئوبزورلار باشقىلارنىڭ كۆز قارىشى بولۇپ، ئۇيغۇر ئاگېنتلىقىنىڭ كۆز-قاراش ياكى مەيدانىغا ۋەكىللىك قىلمايدۇ، ئۇيغۇر ئاگېنتلىقى باش ماقالىسى ياكى مەخسۇس سەھىپىلىك ماقالىسىلا ئۇيغۇر ئاگېنتلىقىنىڭ مەيدانىغا ۋەكىللىك قىلىدۇ.]
7-فېۋرال، ئاۋسترىيە پايتەختى ۋىيانادا «ئاۋسترىيە ئۇيغۇر جەمىيىتى» تەشكىللىشى، «شەرقىي تۈركىستان مىللىي مەجلىسى» رەئىسى سېيت تۈمتۈرك ئەپەندىنىڭ قېتىلىشى بىلەن 1997-يىلىدىكى «5-فېۋرال غۇلجا قىرغىنچىلىقى» نىڭ 22 يىللىقىنى خاتىرىلەش نامايىشى ئۆتكۈزۈلدى.
بۇ نامايىشقا ئاۋسترىيەنىڭ ھەر قايسى شەھىرىدە ياشاۋاتقان ئۇيغۇرلار، تۈرك قېرىنداشلار، تۈرك تەشكىلاتلىرى رەھبەرلىرى ۋە ئاخبارات ساھەسىدىكىلەر بولۇپ 200 ئەتراپىدا كىشى قاتناشتى.
نامايىش ۋىيانادىكى ئەڭ چوڭ ۋە ئەڭ داڭلىق سودا-سېتىق كوچىسى بولغان مارىئاخىلفېر كوچىسىدا باشلانغان بولۇپ، نامايىشچىلار سودا-سېتىق كوچىسىنى بويلاپ ئاۋسترىيە پرېزدېنت بىناسى ئالدىدىكى مەيدانغا قەدەر يۈرۈش قىلدى. نامايىشچىلار رەتلىك، جاراڭلىق ئېيتىلغان نېمىسچە، ئىنگلىزچە ۋە خىتايچە شۇئارلار بىلەن خىتاي ھۆكىمىتىگە بولغان نارازىلىقىنى بىلدۈردى. بۇ نامايىشنى مىڭلىغان شەھەر ئاھالىسى نەق مەيداندا كۆردى ۋە ئۇيغۇرلارنىڭ ھازىرقى ئەھۋلىدىن خەۋەردار بولدى.
مەزكۇر يازمىنى «ئۇيغۇر ئاگېنتلىقى» نامىدا مەنبەسىنى ئەسكەرتىپ ھەرقانداق ئىجتىمائىي ئالاقە ۋاستىلىرىدا كۆچۈرۈپ تارقىتىشقا رۇخسەت قىلىنىدۇ. ئەمما، مەنبەسى ئەسكەرتىلمىگەن ھالدا توردا خالىغانچە ئىشلىتىلسە، نەشىر ھوقوقىمىزغا دەخلى-تەرۇز قىلغان ھېسابلىنىپ جامائەتچىلىككە ئاشكارلىنىدۇ، ھەمدە ئەسەر ھوقۇقى قانۇنى بويىچە قانۇنىي ھوقۇقىمىزنى سۈرۈشتۈرۈش ھوقۇقىمىزنى ساقلاپ قالىمىز.
