ختاي دۆلەت تەشۋىقاتى بولغان جۇڭگو ئۇيغۇر رادىئوسىنىڭ خەۋىرىگە قارىغاندا، ئاتالمىش شنجاڭدىن ئۈچ نەپەر يازغۇچى ياكى تەرجىمان ختاينىڭ داڭلىق «تۇلپار ئەدەبىيات مۇكاپاتى»غا ئېرىشكەن.
ختاينىڭ مەزكۇر مۇكاپاتى ئاز سانلىق مىللەتلەرنىڭ ئەدەبىيات ساھەسدىكى ئاساسلىق مۇكاپاتلاردىن بىرى بولۇپ، ئۇيغۇرلارغا ئىجادى جەھەتتە ئىلھام بىرىشنى ئەمەس، ختاينىڭ ئەسەرلىرىنى تەرجىمە قىلىشقا ئىلھام بىرىش مەقسدىدە، تەرجىمان يۈسۈپ ئەيساغا مۇكاپات بەرگەن. بۇ ختاينىڭ يەنىلا ئۇيغۇرلارنىڭ ئەدەبىيات ساھەسىدە قەد كۆتۈرۈشنى خالىمايدىغانلىقىدىن دىرەك بىرىدۇ.
ختاي مۇنداق خەۋەر قىلغان:«13-نۆۋەتلىك مەملىكەتلىك ئاز سانلىق مىللەتلەر ئەدەبىي ئىجادىيىتى بويىچە «تۇلپار مۇكاپاتى»نى باھالاش كومىتېتى يېقىندا بېلەت تاشلاپ ئاۋاز بېرىپ، مۇكاپاتقا ئېرىشكەن 25 ئەسەر ۋە مۇكاپاتقا ئېرىشكەن بەش تەرجىماننى بارلىققا كەلتۈردى. جۇڭگو يازغۇچىلار جەمئىيىتى ۋە دۆلەتلىك مىللەتلەر ئىشلىرى كومىتېتىنىڭ تەكشۈرۈپ بېكىتىشى ئارقىلىق شىنجاڭدىن ئۈچ يازغۇچى مەملىكەتلىك 13-نۆۋەتلىك ئاز سانلىق مىللەتلەر ئەدەبىي ئىجادىيىتى بويىچە «تۇلپار مۇكاپاتى»غا ئېرىشتى. تاجىك يازغۇچى روزى گۈلباينىڭ «گۈل ئەبەدىي شۇنداق قىزىل» ناملىق رومانى رومان ئىجادىيىتى مۇكاپاتىغا، دۇڭشياڭ مىللىتىدىن ئەيبۇ ياقۇپ، ئۇيغۇر مىللىتىدىن يۈسۈپ ئەيسا تەرجىمان مۇكاپاتىغا ئېرىشتى.»
