ئەركىنجان، ئۇيغۇر ئاگېنتلىقى، 18-فېۋرال
ئۇيغۇر ئاگېنتلىقى تەكشۈرۈپ ئېنىقلىغان ماتېرىيالغا ئاساسلانغاندا، ختاي يۈننەن ئۆلكىسى يۈشى توڭخەي ناھىيسى ناجىياڭ مەسچىتى ئالدىغا ختاي كومپارتىيىسىنىڭ تەشۋىقات لەۋھەلىرىنى ئاسقان بولۇپ، مەسچىت ئاممىسىغا ختاي كومپارتىيىسىگە ئەگىشىپ مېڭىش تەشۋىق قىلىنغان.
مەزكۇر لەۋھەلەردە «پارتىيىنىڭ سۆزىنى ئئاڭلايمىز»، «پارتىيىگە مىننەتدارلىق بىلدۈرىمىز»، «پارتىيىگە ئەگىشىپ ماڭىمىز» دېگەن سۆزلەر ختايچە يېزىلغان.
ختاي ھۆكۈمىتىنىڭ ئۇيغۇرلارنىڭ مەسجىدلىرىنى چېقىۋەتكەنلىكى، ئۆلىمالارنى تۇتقۇن قىلغانلىقى، قۇرئاننى كۆيدۈرگەنلىكى، ساقال قويغان، ھىجاب ئارتقان ئاممىغا ئىغىر قاماق جازاسى ھۆكۈم قىلغانلىقىنى كۆپلەپ ئسپاتلانغان ۋە خەۋەر قىلىنغان.
مەزكۇر مەزمۇن-ئۇيغۇر تايمىزنىڭ ئىنگىلىزچە، ختايچە، گېرمانچە قاناللىرىدىمۇ ئىلان قىلىندى.
