ئۇيغۇر ئاگېنىتلىقى تەرجىمە خەۋىرى؛ 11-مارت
پرىزىدېنت دونالد ترامپ سەيشەنبە كۈنى كانادادىن ئىمپورت قىلىنىدىغان پولات ۋە ئالۇمىنغا قويۇلىدىغان تارىف باجىنى 25% دىن 50% غا ئىككى ھەسسە ئۆستۈرىدىغانلىقىنى بىلدۈردى. بۇ ئامېرىكىنىڭ شىمالىي قوشنىسى بىلەن بولغان سودا ئۇرۇشىنى كۈچەيتىپ، يېقىندىكى پاي بازىرىدىكى داۋالغۇش ۋە كۈچىيىۋاتقان ئىقتىسادىي كىرىزىس خەۋپىگە بېپەرۋالىق قىلغانلىقىنى كۆرسەتتى.
ترامپ ئىجتىمائىي تاراتقۇدا، چارشەنبە كۈنى كۈچكە ئىگە بولىدىغان تارىف باجى ئۆسۈشىنىڭ ئونتارىيو «ئۆلكە» ھۆكۈمىتىنىڭ ئامېرىكىغا سېتىلىدىغان ئېلېكتر ئېنېرگىيەسىگە قويغان باھا ئۆسۈشىگە جاۋاب ئىكەنلىكىنى بىلدۈردى.
«مەن سودا مىنىستىرىمگە كانادادىن ئامېرىكىغا كىرىدىغان بارلىق پولات ۋە ئالۇمىنغا قوشۇمچە 25% تارىف باجى قويۇشنى، يەنى 50% غا يەتكۈزۈشنى بۇيرۇدۇم. كانادا دۇنيادا ئەڭ يۇقىرى تارىف باجى قويىدىغان دۆلەتلەرنىڭ بىرى» دەپ ترامپ سەيشەنبە كۈنى «ھەقىقەت ئىجتىمائىي تاراتقۇسى»دا ئېلان قىلدى.
دۈشەنبە كۈنى پاي بازىرىدىكى ئېغىر چۈشۈش ۋە سەيشەنبە كۈنىدىكى داۋالغۇشلاردىن كېيىن، ترامپ ئىقتىسادنى ئۆستۈرۈش ئۈچۈن ھەقىقىي پىلانى بارلىقىنى كۆرسىتىشكە بېسىم ئاستىدا قالدى.
نۇرغۇن كۆزەتكۈچىلەر ئامېرىكا ئىقتىسادى بەلكىم كىرىزىسقا قاراپ ماڭماقتا ئىكەن.
ئەمما ھازىرغىچە پرىزىدېنت 2024-يىللىق سايلام جەريانىدا كۆپ قېتىم تىلغا ئالغان تارىف باجلىرى ئۈستىدە چىڭ تۇرۇۋاتىدۇ .
