(2019-يىلى 11-نويابىر)
مالايسىيا پارلامېنتى ئەزاسى نىك نازمى نىك ئەھمەد (Nik Nazmi Nik Ahmad) مالايسىيا پارلامېنتىدا ئۇيغۇر مەسىلىسى ھەققىدە سۆز قىلدى. ئۇ مۇنۇلارنى بىلدۈردى: ئۇ ئۇيغۇر مەسىلىسىگە قارىتا ئەڭ كۈچلۈك ئىنكاس قايتۇرغان مۇسۇلمان دۆلەتلىرىدىن پەقەت تۈركىيە بىلەن مالايسىيا بارلىقىنى، لېكىن بۇ ئىككى دۆلەتنىڭ يېقىندىن بېرى ئۇيغۇر مەسىلىگە قارىتا سۈكۈت قىلىۋاتقانلىقى تەكىتلىدى. ئۇ بۇ مەسىلىنىڭ ئىنتايىن ئېغىر بىر مەسىلە ئىكەنلىكى ھەققىدە توختىلىپ، گېرمانىيەلىك تەتقىقاتچى ئادرېئان زېنزنىڭ سىرتقى ماتېرىياللاردىن باشقا خىتاينىڭ ھۆججەتلىرىدىنمۇ پايدىلىنىپ تەتقىقات ئېلىپ بارغانلىقىنى تىلغا ئالدى ۋە بەزى مىساللارنى بەردى. ئۇ ئۇيغۇر مەسىلىسى ھەققىدە ھەرىكەت قىلىنىشى كېرەكلىكىنى ئېيتتى. ئۇ يەنە گەرچە مالايسىيانىڭ بۇ مەسىلىنى ئىسلام ھەمكارلىق تەشكىلاتىدا ئوتتۇرىغا قويغان بولسىمۇ، كۆپ ساندىكى مۇسۇلمان دۆلىتىنىڭ خىتاينى قوللايدىغان مەكتۇپقا ئىمزا قويۇپ ئۇيغۇرلادىن يۈز ئۆرۈگەنلىكىنى، بۇنىڭ كىشىنى ئىنتايىن ئەپسۇسلاندۇرىدىغان بىر ۋەقە بولغانلىقىنى تىلغا ئالدى.
مەنبە:
https://twitter.com/niknazmi/status/1193099045692035072
