(2019-يىلى 12-نويابىر)
12-نويابىر، مالايسىيادىكى بىر قانچە ھۆكۈمەتسىز تەشكىلاتتىن تەركىب تاپقان «مالايسىيا ئىسلامى تەشكىلاتلار مەجلىسى» (Majlis Perundingan Pertubuhan Islam Malaysia) بايانات ئېلان قىلىپ، شەرقى تۈركىستان مۇسۇلمانلىرىنىڭ جۇمھۇرىيەت بايرىمىنى تەبرىكلىدى.
بۇ بايانات مەزكۇر مەجلىسنىڭ پرېزىدېنتى مۇھىد ئەزمى ئابدۇلھەمىد (Mohd Azmi Abdul Hamid) نامىدىن ئېلان قىلىنغان بولۇپ، باياناتتا شەرقى تۈركىستان جۇمھۇرىيەت كۈنىنى تەبرىكلەش بىلەن بىرگە، شەرقى تۈركىستان ۋە ئۇيغۇرلار ھەققىدە قىسقىچە مەلۇمات بېرىلگەن، ھەمدە خىتاينىڭ نۆۋەتتە شەرقى تۈركىستاندا ۋەھشىيلەرچە يۈزگىزىۋاتقان ئىشغال سىياسىتى تەنقىد قىلىنغان. باياناتتا يەنە شەرقى تۈركىستاننىڭ 1949-يىلى خىتاي كوممىنىست ھاكىمىيىتى تەرىپىدىن بېسىۋېلىنغان زېمىن ئىكەنلىكى كۆرسىتىلگەن ۋە دۇنيانى خىتاي ئىشغالى ئاستىدىكى ئازاد شەرقى تۈركىستاننىڭ قۇرۇلغان كۈنىنى خاتىرىلەشكە ۋە ئەستە تۇتۇشقا چاقىرغان.
مەنبە:
https://twitter.com/HKokbore/status/1194220319805976576
