ئامېرىكىنىڭ مالايسىيادىكى باش ئەلچىسى ئۆمەر قاناتنى كۈتۈۋالدى
تۇرسۇنجان
ئۇيغۇر ئاگېنتلىقى 2022-يىلى 17-ئاپرېل
مالايسىيادا سىياسىي ھىمايىچىلىق زىيارىتى ئىلىپ بېرىۋاتقان ئۇيغۇر كىشىلىك ھوقۇق قۇرۇلۇشى دىرېكتورى ئۆمەر قانات ئەپەندى 15-ئاپرېل ئامېرىكىنىڭ كۇئالالۇمپۇردا تۇرۇشلۇق باش ئەلچىسى ماك فېتىرىس (McFeeters ) ئەپەندى بىلەن كۆرۈشۈپ، « ئۇيغۇر كىشىلىك ھوقۇق قۇرۇلۇشى» نىڭ ئىسلام دۇنياسىدا ئۇيغۇر قىرغىنچىلىقىنى تونۇتۇش ئۈچۈن ئىلىپ بېرىۋاتقان خىزمەتلىرى ھەققىدە پىكىرلەشكەن.
باش ئەلچى ماك فېتىرىس ئەپەندى « ئۇيغۇر كىشىلىك ھوقۇق قۇرۇلۇشى» نىڭ بۇ ساھەدە ئىشلەۋاتقان خىزمەتلىرىنىڭ ئۇيغۇر قىرغىنچىلىقىنى توختىتىش ۋە دۇنياۋى بىرلىكسەپ تۇرغۇزۇش ئۈچۈن مۇھىم رول ئوينايدىغانلىقىنى بىلدۈرگەن ۋە مالايسىيادىكى بارلىق بىخەتەرلىك، دىپلوماتىيە پائالىيەتلىرىنىڭ ئامېرىكا ئەلچىخانىسى تەرىپىدىن ياردەمدە بولىدىغانلىقىنى بىلدۈرگەن.
