ئۇيغۇر ئاگېنتلىقىدىن ھەبىبۇللا ئىزچى تەييارلىدى
تەمىنلىگۈچى مۆھتىرەم سەلچۇق ئۆزداغ
بۈگۈن تۈركىيە پايتەختى ئەنقەرەدە كېلەچەك پارتىيىسى بېيجىڭ قىشلىق ئولېمپىكنى بايقۇت قىلىشقا چاقىرىق قىلىش ئۈچۈن زور كۆلەمدە ئاخبارات ئېلان قىلىش پائالىيىتى ئۆتكۈزدى.
پائالىيەتكە ،تۈركىيە جۇمھۇرىيىتى سابىق تاشقى ئىشلار مىنىستىرى،كېلەچەك پارتىيىسى رەئىسى،فېراپېسور دوكتور ئەھمەت داۋۇتئوغلى، كېلەچەك پارتىيىسى ئاممىۋى مۇناسىۋەت كومتىتى باشلىقى دوكتور سەلچۇق ئۆزداغ، كېلەچەك پارتىيىسى تاشقى ئىشلار كومتىتى باشلىقى ، دېپلومات ئۈمىت ياردېم، كېلەچەك پارتىيىسى رەئىس ياردەمچىسى، كىشىلىك ھوقۇق كومتىتى باشلىقى دوكتور سەراپ يازىجى خانىم ۋە باشقا 16 پارتىيەنىڭ ۋەكىللىرى قاتناشتى.
بۇ قېتىمقى پائالىيەت ھەققىدە كېلەچەك پارتىيىسى پۈتۈن پارتىيەلەرگە ۋە تەشۋىقات ئورۇنلىرىغا ئوچۇق دەۋەت ئېلان قىلغان ۋە تەكلىپنامە ئەۋەتكەن بولۇپ تۈركىيەدىكى سايلامغا قاتنىشىش سالاھىيىتىگە ئىگە، مەۋجۇت پارتىيەلەردىن 16 پارتىيەنىڭ رەئىسلىرى قاتناشقان ، ياكى ۋەكىل ئەۋەتكەن بولۇپ<< ھاكىمىيەت يۈرگۈزۈۋاتقان ئادالەت ۋە تەرەققىيات پارتىيىسى>> قاتناشمىغان ۋە ۋەكىلمۇ ئەۋەتمىگەن. مىللەتچىلەر پارتىيىسىنىڭ بۇ ئاخبارات ئېلان قىلىش يىغىنىغا قاتناشمىغىنى تۈركىيەدىكى ۋە پۈتۈن دىئاسپورادىكى ئۇيغۇرلارنى ھەيران قالدۇردى، شۇنداقلا تۈركىيەنىڭ ئۇيغۇر سىياسىتىدىن قاتتىق ئۈمىتسەزلەندۈردى.
يىغىن باشلىنىشىدا كېلەچەك پارتىيىسى رەئىس ياردەمچىسى،كىشىلىك ھوقۇق كومتىتى باشلىقى دوكتور، سەراپ يازىجى خانىم سۆز قىلدى ،ئۇ سۆزىدە: خىتاي ئۇزۇن زاماندىن بېرى سېستىماتىك ھالدا ئىنسان ھەقلىرىنى دەپسەندە قىلىپ كەلمەكتە! ۋە بۇ دەپسەندىچىلىكنىڭ ئەڭ قورقۇنۇشلۇقى ئۇيغۇرلارغا قارىتا ئېلىپ بېرىلماقتا!
ئەڭ قورقۇنۇشلۇقى، لاگېر گۇۋاھچىلىرىنىڭ كەچمىشلىرىدىن، ئۇ يەردە مۇسۇلمان ۋە تۈرك خەلقىگە قارىتا ئىشلەنگەن ئىنساننى ۋەھىمىگە سالىدىغان ۋەھشىلىكلەر!
بىز بۇ سەۋەپ بىلەن بېيجىڭ قىش ئولېمپىكىگە قارشى نارازىلىقىمىزنى بىلدۈرىمىز ۋە تۈركىيەدىكى ھاكىمىيەت يۈرگۈزۈۋاتقان پارتىيەگە ۋە ھۈكۈمەتكە بۇ ئولېمپىكنى بايقۇت قىلىشقا چاقىرىق قىلىمىز! ۋە ئامېركا ،كانادا قاتارلىق نۇرغۇن دۆلەت خىتاينىڭ ئولېمپىك مۇسابىقىسى ئۆتكۈزۈشىنى بايقۇت قىلدى، ختاي ئىشلىگەن ئىنسانىيەتكە قارشى جىنايىتى سەۋەبىدىن بۇ ئولېمپىكىنى ئۆتكۈزۈش سالاھىيىتى يوقتۇر! دېدى.
ئارقىدىن سۆزگە چىققان،كېلەچەك پارتيىسى ئاممىۋى تەشكىلاتلار ۋە ئاممىۋى مۇناسىۋەت كومتىتى باشلىقى سەلچۇق ئۆزداغ مۇنداق دەيدۇ:ھۆرمەتلىك پارتىيە رەئىسى ،ھۆرمەتلىك ھەر قايسى پارتىيەلەرنىڭ رەئىسلىرى ، ۋەكىللىرى، يىغىنغا قاتناشقان ئۇيغۇر، قازاق قېرىنداشلار! بىز بۈگۈن بېيجىڭ قىشلىق ئولىمپىكىنى بايقۇت قىلىشقا چاقىرىق قىلىش ئۈچۈن بىر ئاخبارات ئېلان قىلىش يىغىنى چاقىردۇق.شەرقى تۈركىستاندىكى زۇلۇم بىلەن مۇناسىۋەتلىك خەۋەرنى دەسلەپتە ئارداھان قۇرۇلتىيىدا ھۆرمەتلىك رەئىسىمىز ئوتتۇرىغا قويغان ئىدى.خەلق شەرقى تۈركىستاندا نىمە بولدى دېگەن سوئاللارنى سوراشقا باشلىدى.
ئەمما شەرقى تۈركىستان مەسىلىسىگە كەلگەندە ھۈكۈمەتنىڭ تىلى تۇتۇلدى،كۆزلىرى كۆرمىدى!
ھاكىمىيەت بېشىدىكى بۇ ئىتتىپاقنىڭ بىرى ئۆزىنى دۇنيا مۇسۇلمانلىرىنىڭ لېدىرى ھىساپلايتى،ئەمما شەرقى تۈركىستانغا كەلگەندە ئۇ يەردىكى ئوتتۇز مىليۇن ئۈممەت ئۈچۈن تىلى تۇتۇلدى!
بىرى ئۆزىنى مىللەتچىلىكنىڭ ،تۈركچىلىكنىڭ لېدىرى ھىساپلايتتى،ئەمما شەرقى تۈركىستانغا كەلگەندە قۇلىقى گاس،كۆزى كور بولدى!
ئىستانبۇلدا ،ئەنقەرەدە ختاي كونسۇلى ئالدىدا بىز 21 ئەسىردە ئىنسانلارنى جازا لاگېرىغا سولىغان ختايغا قارشى نامايىشلارنى قىلدۇق ۋە ھۈكۈمەتكە نىمىشقا بۇ مەسىلىنى كۈنتەرتىپكە ئەكەلمەيدىغانلىقىنى، بۇ پۇل ئۈچۈنمۇ ياكى دەپ سوردۇق!
بۈگۈن بىز ھۈكۈمەتنى ۋە ئىتتىپاقدىشىنى شەرقى تۈركىستاندىكى ئىنسان ھەقلىرى جىنايىتى ۋە ئىرقى قىرغىنچىلىققا قارشى ئولېمپىكنى بايقۇت قىلىشقا چاقىرىق قىلىش ئۈچۈن بۇ يەردە توپلاندۇق! بىز ھۈكۈمەتتىن دېپلوماتىك بايقۇت قارارى ۋە سىمۋول خاراكتېرلىك تەنھەركەتچى ئەۋەتىش قارارى چىقىرىشنى ئاڭلاشنى خالايمىز! ۋە شۇنىڭغا چاقىرىق قىلىمىز!
قېنى كۆرەيلى سىزلەرنى : سىزلەر قانچىلىك قېرىنداش،قانچىلىك دىنداش، قانچىلىق ئىرقداش !
قېنى سىزلەرنى كۆرەيلى: قانچلىك تارىخىڭىزغا، دىنىڭىزغا، مەدەنىيىتىڭىزگە ئىگە چىقالايسىز !
ئاخىرىدا دېمەكچى بولغىنىم، بايقۇت چاقىرىقىنى سايلامغا كىرەلەيدىغان پارتىيەلەرنىڭ ھەممىسىگە ئەۋەتكەن ئىدۇق، ئالتە پارتىيەدىن باشقىسى بايقۇت چىقىرىغا ئاۋاز قوشتى، بۇ چاقىرىقنى ئادالەت پارتىيىسى ۋە مىللەتچى ھەركەت پارتىيىسىگىمۇ ئەۋەتتۇق ، ئەپسۇس ئۇلار تېلېپونىمىزنىمۇ ئالمىدى ۋە بۇ چاقىرىققا ئىمزا ئاتمىدى!
بۇندىن باشقا تۈركىيەدىكى 132 دۆلەتنىڭ باش ئەلچىلىكىگە ئېنگىلىزچە دەۋەت ئەۋەتتۇق، ۋە بايقۇت چاقىرىقىغا ئاۋاز قوشۇشنى چاقىرىق قىلدۇق. بۇ باش ئەلچىلىكلەرنىڭ كۆپى بۇ دېپلوماتىك بايقۇت قارارىغا قېتىلىمىز دەپ جاۋاپ ئەۋەتتى ،ئۇلارغا رەھمىتىمىزنى بىلىدۈرۈمىز!
كېلەچەك پارتىيىسى تاشقى ئىشلار كومتىتى باشلىقى ،دېپلومات ئۈمىت ياردىم بۇ ھەقتە سۆزىدە: بۈگۈن دۇنيادا ئەڭ ۋەھشى ئىنسان ھەقلىرى دەپسەندىچىلىكى شەرقى تۈركىستاندا يۈز بېرىۋاتىدۇ. ئۇيغۇر زىيالىلار تۈرمىلەرگە سولىنىۋاتىدۇ.ئاياللار تاجاۋۇزغا ئۇچراۋاتىدۇ.بالىلار يېتىم قېلىپ ئائىلىسىدىن مەجبۇرى ئايرىلىپ ماڭقورت قىلىپ يېتىشتۈرۈپ چىقىش ئۈچۈن بالىلار لاگېرىغا سولىنىۋاتىدۇ.
بىز كېلەچەك پارتىيىسى بولۇشىمىز سۈپىتىمىز بىلەن بۇ ھەقتە داۋاملىق مەيدانىمىزنى ھەر يەردە ئىپادىلەيمىز.
خىتاي ھۈكۈمىتى 21 ئەسىردە جازا لاگېرى قۇرۇپ ئۇيغۇرلارنىڭ مەدىنىيىتى، ئائىلە قۇرۇلۇشى، دىنى –مىللى قىممەت قارىشىنى يوق قىلىشقا ھەركەت قىلماقتا ! مىللەت سۈپىتىدە چېڭگىز ئايتماتوۋنىڭ دېگىنى بويىچە ماڭقورتلاشقان بىر مىللەتنى يېتىشتۈرۈپ چىقىش ئۈچۈن ھەركەت قىلماقتا!
بىز بۇ سەۋەپ بىلەن ھۈكۈمەتنى بېيجىڭ قىشلىق ئولېمپىكنى بايقۇت قىلىشقا ،ۋە بۇ ھەقتە كەسكىن تەدبىرلەرنى ئېلىشقا ، خىتاي بىلەن دېپلوماتىك مۇناسىۋەتلەردە بۇ مەسىلىلەرنى كۈنتەرتىپكە ئەكىلىشكە دەۋەت قىلىمىز .
كېلەچەك پارتىيىسى رەئىسى، سابىق تاشقى ئىشلار مىنىستىرى فراپېسور دوكتۇر ئەخمەت داۋۇتئوغلى سۆزىدە ھۈكۈمەتنى قاتتىق تەنقىت قىلىپ شۇنداق دەيدۇ: بىز بۈگۈن كېلەچەك پارتىيىسى بولۇش سۈپىتىمىز بلەن شەرقى تۈركىستاندا ئىنسانلىققا يات ئىرقى قىرغىنچىلىق ئىشلىنىۋاتقاندا خوشال بولالمايمىز!
مەن بۇ يەردە ختاي بىلەن مۇناسىۋىتىمىز بۇزۇلسا مەيلىمۇ دېگەنلەرگە شۇنى دەيمەنكى خىتاي بىلەن مۇناسىۋىتىمىز بۇزۇلماسلىقىنىڭ بەدىلىنى ئۇيغۇرلار تۆلىمەسلىكى كېرەك دېدى.
ئۇ يەنە تۈركىيە ھۈكۈمىتى يىللاردىن بېرى بىر ھەيئەت ئەۋەتىمىز دېدى ،ئەمما ھەيئەت ئەۋەتىشكە جۈرئەت قىلالمىدى!ھۈكۈمەتىىن شۇنى سورايمەن ، نىمىشقا بىر ھەيئەت ئەۋەتەمىدىڭىز؟ ھېچ بولمىسا بىر خەلق ئىچى تەشكىلات ياكى كىشىلىك ھوقۇق كۈزەتكۈچى ھەيئەت ئەۋەتمەيسىلە؟ نىمىشقا ئەۋەتىمىدىڭلا؟
چۈنكى قىلالمىدى ، قىلمىدى،قىلىشنىمۇ خالىمىدى!
ئۇلارنىڭ مەقسىدى تۈركىيە ئىچىدە دىنچىلىق، مىللەتچىلىك قىلىپ ، تېشىدا خىتايدىن كېلىدىغان پۇل ئۈچۈن تىلى تۇتۇلدى! قۇلاقلىرى گاس بولدى! كۆزلىرى كور بولدى!
ھەتتا بۈگۈن بېيجىڭ قىش ئولېمپىكىنى بايقۇت قىلىش چاقىرىقىغا ئىمزامۇ ئاتمىدى!
نىمىشقا؟
ئىسلام ئىش بىرلىكى تەشكىلاتى،تۈرك دۆلەتلىرى تەشكىلاتى نىمىشقا ئۇيغۇر مەسىلىسىدە خىتايغا قارشى چىقمايدۇ؟ مەسىلە تۈركىيەدە! چۈنكى بۇ مەسىلىنىڭ ئاچقۇچى تۈركىيە . بۇ مەسىلىنى تۈركىيە باش بولۇپ ھەل قىلمىسا كىم قىلىدۇ؟
ئەسلىدە بۇ قېتىمقى قىشلىق ئولېمپىك دەل <<ۋان مىنۇت>> دەيدىغان ۋاقىت ئىدى!
ئەمما ھۆرمەتلىك ئەردئان ئەپەندى خىتايغا كەلگەندە<< ۋان مىنۇت>> نى ئۇنتۇدى! بىزدە ھەقسزلىك قارشىسىدا سۈكۈتتە تۇرۇش يوق! كىشىلىك ھوقۇق دەپسەندىچىلىك قارشىسىدا سۈكۈتتە تۇرۇش يوق! بىر نەچچە مىليۇن ئۈچۈن سۈكۈتتە تۇرماق يوق!
بۇ يەردىن ھۈكۈمەتكە يەنە بىر قېتىم چاقىرىق قىلىمەن! ئۇيغۇرلارغا ئىگە چىقىڭ !
مەن بۇ يەردىن يەنە خىتايغا شۇنى دېمەكچىمەنكى : ئولېمپىك بانىسىدا قەشقەرنى،خوتەننى، ئۈرۈمچىنى ئاقسۇنى ئېچىڭ !
ئو ۋاقىتتا كۆرەيلى!
