ئەسلى ماۋزۇسى: دوكتور گىللىئان خيۇگىس، دوكتور شارلوت بۇرك، دوكتور جۇلىيا نېلكى، جۇلىيا گرانۋىل نىڭ ئۇيغۇر سوتى ۋە داۋىد لاممىنىڭ ختاي زىيارىتى ھەققىدىكى قارشى
ئەنگىلىيە مۇھاپىزەتچى گېزىتى تور بېتىدىن ئۇيغۇرچىغا تەرجىمە قىلغۇچى: تاھىر ئىمىن ئۇيغۇرىئان
بىز داۋىد لاممىنىڭ ختايغا قىلغان زىيارىتى ھەققىدىكى خەۋەرنى ئوقۇپ چوڭقۇر بىئارام بولدۇق. خەۋەردە، كىشىلىك ھوقۇق ئادۋوكاتى بولغان بىر رەھبەرنىڭ باشچىلىقىدىكى لېيبور ھۆكۈمىتىمىزنىڭ ختاي بىلەن سودا كېلىشىملىرىنى ئاسانلاشتۇرۇش ئۈچۈن ئىرقىي قىرغىنچىلىقنى رەسمىي ئېتىراپ قىلىش پىلانىدىن ۋاز كەچكەنلىكى كۆرسىتىلگەن (لېيبور پارتىيەسى ختاينىڭ ئۇيغۇرلارغا تۇتقان مۇئامىلىسى ھەققىدىكى ئىرقىي قىرغىنچىلىق قارارىنى ئىلگىرى سۈرۈشتىن چېكىندى، 17-ئۆكتەبىر).
2021-يىلى بىز ئالتە كۈن «ئۇيغۇر سوتى»غا ئشتىراك قىلدۇق، بۇ جەرياندا كىشنى چۆچۈتىدىغان نۇرغۇن گۇۋاھلىقلار ئوتتۇرىغا قويۇلدى. بىزدىن گۇۋاھلىق بەرگۈچىلەرگە پىسخىكىلىق ياردەم بېرىش تەلەپ قىلىندى، چۈنكى گۇۋاھلىق بېرىش- ھېسسىي تەرەپتىن ئالغاندا ئىغىر ئىش ئىدى. قاتناشقانلارنىڭ جاسارىتى ھەيران قالارلىق ئىدى – نۇرغۇنلىرى قاتنىشىش سەۋەبىدىن ئۆزلىرىنىڭ ۋە ئائىلە ئەزالىرىنىڭ ھاياتىغا بولغان كىلىدىغان خەۋپ ھەققىدە سۆر قىلدى. بىز مەجبۇرىي تۇغماس قېىلىۋىتىش، تۈرمىلەرگە قاماش ۋە ۋەھشىي قىيىن-قىستاقلار ھەققىدىكى ھېكايىلەرنى ئاڭلىدۇق.
سوت – ختاي دۆلىتىنىڭ ھەرىكەتلىرى ئۇيغۇر رايونىدا ئىرقىي قىرغىنچىلىق، ئىنسانىيەتكە قارشى جىنايەت ۋە قىيىن-قىستاققا ياتىدىغانلىقى ھەققىدە ھۆكۈم چىقاردى. بۇ ئۇيغۇر جامائىتىگە نسبەتەن مۇھىم ئېتىراپنامە بولۇپ، دۇنيا بويلاپ دېموكراتىك ھۆكۈمەتلەرگە كۈچلۈك دەلىل-ئىسپات تەمىنلىدى.
بىز جاناب لاممى ۋە لېيبور پارتىيەسىنىڭ 2023-يىلى قانۇنىي يوللارنى قوللىنىش نىيىتىنى ئوچۇق بىلدۈرگەن بولسىمۇ، ھازىر بۇ پوزىتسىيەسىنى ئۆزگەرتكەنلىكىدىن ئۈمىدسىزلىنىۋاتىمىز.
سىئوبھان ماكدونا 2022-يىلى يانۋاردا پارلامېنتتا مۇنداق دىگەنىدى: «ئەگەر بىز قاراپ تۇرساق، تارىخ بىزنىڭ كەچۈرۈلمەس قورقۇنچاقلىقىمىزنى ئەيىبلەيدۇ ۋە نېمە ئۈچۈن ھوقۇقدارلارنىڭ ھەرىكەت قىلمىغانلىقىنى سورايدۇ، چۈنكى بۇ قېتىم، ھېچكىم بىلمەيتتى دېيەلمەيدۇ.»
دوكتور گىللىئان خيۇگىس، دوكتور شارلوت بۇرك، دوكتور جۇلىيا نېلكى، جۇلىيا گرانۋىل
ئەسلى مەنبەسى: ئەنگىلىيە مۇھاپىزەتچى گېزىتى تور بېكىتى
