ھىندىستاندىن خوش -خەۋەر
ھىندىستاننىڭ پۇنې شەھرىدە ئۆتكۈزۈلگەن «84- قېتىملىق خەلقئارا قەلەمكەشلەر» قۇرۇلتىيىغا ئۇيغۇر قەلەمكەشلەر مەركىزى تەكلىپ بىلەن قاتناشقان ئىدى. ئۇشبۇ قۇرۇلتاي 25- 29 سېنتەبىرگىچە داۋام قىلىدىغان بولۇپ، بۇ قۇرۇلتايغا خەلقئارا قەلەمكەشلەر قۇرۇلتىيىنىڭ دۇنيانىڭ ھەرقايسى دۆلەت ۋە رايونلىرىدىن كەلگەن 60 تىن ئارتۇق ۋەكىللىرى، 300 دىن ئارتۇق يازغۇچىلار قاتناشقان. ئۇيغۇر قەلەمكەشلەر مەركىزى ۋە مۇستەقىل خىتاي قەلەمكەشلەر مەركىزى بۇ نۆۋەتلىك خەلقئارا قەلەمكەشلەر قۇرۇلتىيىنىڭ ئومۇمىي ۋەكىللەر يىغىنىغا تەييارلىغان قارارنامە قۇرۇلتاينىڭ ئومۇمىي يىغىنىدا تەستىقتىن ئۆتكۈزۈش ئۈچۈن بۇ يىل ئاۋغۇست ئېيىدا تاپشۇرۇلغان ئىدى. ھىندىستاننىڭ پۇنې شەھر ھىيات مېھمانخانىسىدا ئۆتكۈزۈلىۋاتقان بۇ يىغىننىڭ ئەڭ ئاخىرقى كۈنى يەنى 29-سېنتەبر كۈنى ئەتىگەن سائەت 10؛12 مىنۇت ئۆتكەندە خەلقئارا قەلەمكەشلەر ئۇيغۇر مەركىزىنىڭ تۈرلۇك مۇناسىۋەت ۋە قاناللاردىن پايدىلىنىپ، ئىزچىل ھەرىكەت قىلىشى ۋە تەلەپ قىلىشى بىلەن، ھەم نورۋىگىيە، دانىيە، شىۋېتسارىيە، ئەنگلىيە، ۋېنگىرىيە، ئامېرىكا، خوڭ كوڭ، تۈركىيە، ئېستونىيە، ئۇكرائىنىيە، دانىيە، ياپونىيە، كورىيە، فىنلاندىيە قاتارلىق ئۇيغۇرلارنىڭ ھازىرقى تىراگىدىيىلىك جىددىي ۋەزىيىتىگە يېقىندىن كۆڭۈل بولۇۋاتقان قەلەمكەشلەر مەركەزلىرىنىڭ تەشەببۇسكارلىقى بىلەن ئۇيغۇر قەلەمكەشلەر مەركىزى تەرپىدىن تەييارلانغان خىتاي تۈرمىسى ۋە جازا لاگېرلىرىدىكى ئۇيغۇر يازغۇچى، شائىر، ئاكادېمىك، زىيالىيلار، ئارتىستلارنىڭ تۇرمىدىن قويۇپ بېرىلىشىنى تەلەپ قىلىش، جازا لاگېرلىرىنى دەرھال تاقاش ھەققىدىكى «84- قېتىملىق خەلقئارا قەلەمكەشلەر» قۇرۇلتىيىنىڭ 22-نومۇرلۇق قارارنامىسى قۇرۇلتاينىڭ ئومۇمىي يىغىنغا قاتناشقان بارلىق دۆلەت ۋەكىللىرىنىڭ تولۇق قوللاپ ئاۋاز بېرشى تەستىقتىن ئۆتۇپ ماقۇللاندى. خەلقئارا قەلەمكەشلەر ئۇيغۇر مەركىزى. پۇنې شەھىر، ھىندىستان 2018-يىلى 28-سېنتەبر www.uyghurpen.org
ھىندستاندا ئۆتكۈزۈلگەن خەلقئارا قەلەمكەشلەر قۇرۇلتىيىدا تۇرمىدىكى ئۇيغۇر يازغۇچىلرى ۋە جازا لاگىرلىرى ھەققىدە قارار ئىلىندى
ئۇشبۇ قۇرۇلتاي 25- 29 سېنتەبىرگىچە داۋام قىلىدىغان بولۇپ، بۇ قۇرۇلتايغا خەلقئارا قەلەمكەشلەر قۇرۇلتىيىنىڭ دۇنيانىڭ ھەرقايسى دۆلەت ۋە رايونلىرىدىن كەلگەن 60 تىن ئارتۇق ۋەكىللىرى، 300 دىن ئارتۇق يازغۇچىلار قاتناشقان. ئۇيغۇر قەلەمكەشلەر مەركىزى ۋە مۇستەقىل خىتاي قەلەمكەشلەر مەركىزى بۇ نۆۋەتلىك خەلقئارا قەلەمكەشلەر قۇرۇلتىيىنىڭ ئومۇمىي ۋەكىللەر يىغىنىغا تەييارلىغان قارارنامە قۇرۇلتاينىڭ ئومۇمىي يىغىنىدا تەستىقتىن ئۆتكۈزۈش ئۈچۈن بۇ يىل ئاۋغۇست ئېيىدا تاپشۇرۇلغان ئىدى.
