ئۇيغۇر ئاگىنىتلىقى ئۇيغۇرچە تەرجىمە بۆلۈم تەييارلىدى
گىرمانىيە تەپتىش مەھكىمىسى خىتايغا جاسۇسلۇق قىلىش جىنايىتى بىلەن ئوڭچىل پارتىيەدىن بولغان پارلامىنىت ئەزاسنىڭ ئشخانا خادىمىنى قولغا ئالدى.
ئۇلار بۇ ئەرنىڭ 43 ياشلىق جيەن G ئىكەنلىكىنى ئېنىقلاپ چىققان بولۇپ ، گېرمانىيە تاراتقۇلىرى تەرىپىدىن AfD MEP ۋە ياۋروپا سايلام نامزاتى ماكىسىملىيان كراخنىڭ ياردەمچىسى ئىكەنلىكى ئىنىقلانغان.
ئەيىبلىگۈچىلەر ئۇنىڭ گىرمانىيە شەرقىدىكى درېسدېن شەھىرىدە قولغا ئېلىنغانلىقىنى ئېيتتى. ئۇلار ئۇنىڭ ياۋروپا پارلامېنتى توغرىسىدىكى ئۇچۇرلارنى ختاي ئاخبارات ئورگىنىغا يەتكۈزگەنلىكىنى ئوتتۇرىغا قويدى.
جيەن گ يەنە گېرمانىيەدىكى ختايغا قارشى ئۆكتىچى ئەربابلار ھەققىدىمۇ جاسۇسلۇق قىلغان دەپ گۇمان قىلىنغان.
بۇ ئەيىبلەش بۇ يىلقى ياۋروپا پارلامېنتى سايلىمىدىن بۇرۇن ، AfD (گېرمانىيە ئۈچۈن يېڭى تاللاش ) پارتىيسى ئۈچۈن ئوڭايسىز پەيتتە ئوتتۇرىغا چىقتى.
كراخ ئەپەندى ياردەمچىسىنىڭ قولغا ئېلىنغانلىقىنى ئاخباراتتىن بىلگەنلىكىنى ، ئەگەر بۇ ئەيىبلەشنىڭ راست ئىكەنلىكى بايقالسا ، ئۇنىڭ خىزمىتىنىڭ دەرھال توختىتىلىدىغانلىقىنى ئېيتتى.
ئۇنىڭ باياناتىدا مۇنداق دېيىلدى: «چەتئەل دۆلىتىگە جاسۇسلۇق قىلىش ئىغىر جىنايەت».
AfD پارتىيسنىڭ باياناتچىسى يەنە مۇنداق دېدى: «كراخ ئەپەندىنىڭ بىر خىزمەتچىسى جاسۇسلۇق جىنايىتى بىلەن قولغا ئېلىنغانلىقى توغرىسىدىكى خەۋەرلەر كىشىنى ئەندىشىگە سالىدۇ».ئۇلار تەپتىش مەھكىمىسىنىڭ يەنىمۇ ئىلگىرىلىگەن ھالدا تەكشۈرۈشىنى ساقلاۋاتقانلىقىنى بىلدۈردى.
گېرمانىيە ئىچكى ئىشلار مىنىستىرى نەنسى فايسېر بۇ ئەيىبلەشنىڭ ئىنتايىن ئېغىر ئىكەنلىكىنى ئېيتتى: «ئەگەر بىرەيلەننىڭ ياۋروپا پارلامېنتىدا ختايغا جاسۇسلۇق قىلغانلىقى جەزملەشتۈرۈلسە ، بۇ ياۋروپا دېموكراتىيەسىگە ئىچىدىن قىلىنغان ھۇجۇم ھسابلىنىدۇ».
ئەدلىيە مىنىستىرى ماركو بۇشمان ئەگەر ئەيىبلەشنىڭ راستلىقى ئىسپاتلانسا ، «قاتتىق ئاقىۋەت» كە ئىلىپ بارىدۇ»دېدى.
ختاي دىپلوماتىيە مىنىستىرلىكى قولغا ئېلىشنى «جۇڭگونى ھاقارەتلەش ۋە باستۇرۇش» ئۈچۈن لايىھەلەنگەن دەپ رەت قىلدى. باياناتچى ۋاڭ ۋېنبىن بۇنى «ئويۇن» دەپ ئاتىغانلىقىنى ئەيىبلەپ ، «ئاتالمىش ختاي جاسۇسلۇق تەھدىتى نەزەرىيىسى ياۋروپا جامائەت پىكىرى ساھەسىدە يېڭى ئش ئەمەس» دەپ تەنقىد قىلدى.
تەپتىش ئەمەلدارىنىڭ ئېيتىشىچە ، جيەن G سەيشەنبە كۈنى كەچتە سوتغا چېقىدىكەن.
بىلدۈرۈلىشچە ، ئۇ 2019-يىلدىن باشلاپ «ياۋروپا پارلامېنتىنىڭ ئەزاسى» ئۈچۈن ئىشلىگەن. ئەمما ئۇلار 6-9-ئىيۇن كۈنلىرى ياۋروپا ئىتتىپاقىغا ئەزا 27 دۆلەتتە ئېلىپ بېرىلىدىغان ياۋروپا سايلىمىدا AfD نىڭ ئاساسلىق كاندىداتى بولغان كراخ ئەپەندىنىڭ ئىسمىنى ئاشكارىلىمىدى.
كراخ ئەپەندىنىڭ ياۋروپا پارلامېنتىدىكى AfD خىزمەتداشلىرىدىن بىرى سىلۋىيا لىممېر X دا ئاچچىقلىنىپ ، كىراخنىڭ ئۆتكەن بەش يىلدا بىريۇسسېلدىكى خىزمەتدىشلىرى ئۈچۈن «ختاي ، روسىيە ، ئامېرىكا ، ئىسرائىلىيە ، ئاياللارغا تۇتقان پوزىتسىيىسى» سەۋەبىدىن كۆپ ئاۋارىچىلىق ئىلىپ كەلگەن »دىدى.
پارتىيەنىڭ سايلام تىزىملىكىدىكى ئىككىنچى شەخس پېتېر بىسترون يېقىنقى بىر نەچچە ھەپتە ئىچىدە تەنقىدكە ئۇچرىدى. ئۇ پراگادا تۇرۇشلۇق روسىيە ساختا ئۇچۇر تورىدىن ھەقنى تاپشۇرۇۋالغانلىقى توغرىسىدىكى ئەيىبلەشلەرنى قەتئىي رەت قىلدى.
جيەن گ نىڭ قولغا ئېلىنىشى -يەنە بىر دىلودىكى ئىككى ئەر ۋە بىر ئايالنىڭ ختايغا جاسۇسلۇق قىلىش گۇمانى بىلەن قولغا ئېلىنغاندىن بىر كۈن كېيىن ئوتتۇرىغا چىققان بولۇپ ، ئۇ ئىككى شەخس گېرمانىيەنىڭ ھەربى تېخنىكىسنى ختايغا يەتكۈزگەنلىك بىلەن ئەيىپلەنمەكتە.بۇ ئىككى دىلونىڭ باغلىنىشى بار دەپ قارالمىدى.
بۇ دېلودىكى ئاساسلىق جىنايەت گۇماندارى-گىرمانىيەدە ختاي دۆلەت بىخەتەرلىك مىنىستىرلىكى (MSS) غا جاسۇسلۇق قىلىدىغان شركەتنى باشقۇرغان بولۇپ، توماس R نىڭ MSS خىزمەتچىسىگە ۋاكالىتەن «ھەربىي ئىشلاردا يېڭىلىق يارىتىش تېخنىكىسى» غا ئېرىشكەنلىكى ئوتتۇرىغا قويۇلغان.
گېرمانىيە باش مىنىستىرى ئولاف شولز نەچچە كۈن ئىلگىرى بېيجىڭدىكى مۇھىم زىيارىتىدىن قايتىپ كېلىپ ، پرېزىدېنت شى جىنپىڭ بىلەن روسىيەنىڭ ئۇكرائىنا ئۇرۇشى قاتارلىق مەسىلىلەر توغرىسىدا سۆھبەتلەشكەن.
سۈرەتتە ئوڭچى پارتىيە پارلامىنت ئەزاسى Maximilian Krah
