ب ب س: دالاي لامانىڭ قىلمىشى خىتايلارغا پايدا، تىبەتلەرگە زىيان ئېلىپ كەلدى
تۇرسۇنجان
ئۇيغۇر ئاگېنتلىقى 2023-يىلى 21-ئاپرېل
ب ب س خەۋىرىدە دېيىلىشىچە، تىبەت مەنىۋى لېدىرى دالاي لامانىڭ كىچىك بالىغا تىلىمنى شورا دېگەن سۆزى توردا كەڭ تارقىلىپ، ئۇنىڭغا بولغان تەنقىدلەر كۈچەيدى. ھەتتا بۇ دالاي لامانىڭ ئوبرازى ۋە تىبەت ھەرىكىتىگە تەسىر كۆرسەتمەكتە.
ئىجتىمائىي تاراتقۇلاردا بۇ كىچىك ھەرىكەت خىتاينى ھىمايە قىلغۇچىلارنىڭ تەشۋىقاتى ئارقىلىق «ئەسلىدە خىتايلار كېلىپ تىبەتلەرنى ئازاد قىلمىسا، دالاي لاما كىچىك بالىلارنى خورلايدىغان قۇللۇق تۈزۈمنى داۋاملاشتۇرغان بولاتتى» دېگەندەك تىبەتكە قارشى نەزەرىيەلەرنىڭ بازار تېپىشىغا، ھەتتا تىبەتلەرگە قارشى ھەرىكەتلەرنىڭ ئەۋج ئېلىشىغا سەۋەب بولغان.
