ئافراسياپ
ئۇيغۇر ئاگېنتلىقى 16-دېكابىر
تىبەتلەرنىڭ دىنى داھىيسى دالاي لاما تىبەت مەركىزى ھۆكۈمىتىنىڭ يېڭى پرېزىدېنتى پەنپا سەرىڭنى قوبۇل قىلدى. پەنپا سەرىڭنىڭ بىلدۈرۈشىچە، بۇ خىتاي ۋىرۇسى سەۋەبىدىن دالاي لاما ھەر قانداق زىيارەتنى رەت قىلغاندىن بۇيان تۇنجى قېتىم پەنپا سەرىڭنى قوبۇل قىلىشى ئىكەن.
تىبەتلەرنىڭ ئالدىنقى نۆۋەتلىك رەئىسى لوبساڭ سانگاي ئالدىنقى ھەپتە ئۇيغۇر ئاگېنتلىقى مۇدىرى تاھىر ئىمىن ئەپەندىگە ئۆزىنىڭ ھازىر خارۋارد ئۇنىۋېرسىتېتىغا قايتىپ قانۇن ئوقۇتۇش ۋە تەتقىقاتى بىلەن شۇغۇللىنىۋاتقانلىقىنى، داۋاملىق تىبەتلەر ئۈچۈن خىزمەت قىلىدىغانلىقىنى بىلدۈرگەن. ئۇ يەنە ئۇيغۇرلارنىڭ ھەرىكەتلىرىنى قوللايدىغانلىقىنى بىلدۈرگەن.
