بىرلەشكەن دۆلەتلەر تەشكىلاتىنىڭ ئىنسانپەرۋەرلىك ئىشلىرىغا مەسئۇل مۇئاۋىن باش كاتىپى، جىددىي قۇتقۇزۇش-ياردەم بېرىشنى ماسلاشتۇرغۇچىسى مارتىن گىرىففىس 6-ئاينىڭ 4-كۈنى مۇخبىرلار يىغىنىدا مۇنۇلارنى بىلدۈردى: پۈتۈن دۇنيادىكى نۇرغۇن رايونلاردا توقۇنۇش پەسەيمىدى، ئىنسانپەرۋەرلىك ياردەم مەبلىغى ئېغىر دەرىجىدە كەمچىل.
گىرىففىس مۇنداق دېدى: دۇنيادا نۆۋەتتە تەخمىنەن 300 مىليون كىشى ئىنسانپەرۋەرلىك ياردىمىگە موھتاج، بىرلەشكەن دۆلەتلەر تەشكىلاتى بۇ يىل تەخمىنەن 188 مىليون ئادەمگە ياردەم بېرىش ئۈچۈن 49 مىليارد ئامېرىكا دوللىرى ياردەم مەبلىغىنى تىرىشىپ قولغا كەلتۈرمەكتە، لېكىن ھازىرغىچە ئاران 8 مىليارد ئامېرىكا دوللارى توپلاندى. بۇ يىلنىڭ يېرىمىغا يېقىن ۋاقىت ئۆتۈپ كەتتى. ئىنسانپەرۋەرلىك ۋەزىيىتى ئەزەلدىن ھازىرقىدەك قىيىن ۋە ناچار ئەھۋالغا چۈشۈپ باقمىغان.
گىرىففىس 3-ئاينىڭ 25-كۈنى «سالامەتلىكى» سەۋەبىدىن 6-ئايدا ۋەزىپىسىدىن ئايرىلىدىغانلىقىنى ئېلان قىلغان.
