ئۇيغۇر ئاگېنىتلىقى، 19-ئيۇن ياپونىيە ئۇيغۇر جەمئىيتى ياپونىيە پارلامېنتىدا بىر مەيدان مۇخبىرلارنى كۈتۈۋېلىش يىغىنى ئاچتى . يېغىنىدا ياپونىيە ئۇيغۇر جەمئىيتى ۋەكىللىرى قاتناشقۇچىلارغا ختاينىڭ ئۇيغۇرلارغا قاراتقان قىرغىنچىلىق سياستىنىڭ مۇھىم تەركىۋى قسمى بولغان ئۇيغۇر مەجبۇرى ئەمگىكى ھەققىدە تەييارلىغان تەپسلى دوكلاتى ھەققىدە مەلۇمات بەردى، مەزكۇر دوكلاتتا ختاينىڭ ئۇيغۇر مەجبۇرى ئەمگىكى- ياپونىيەدىكى چوڭ شركەتلەرنى ئۆز ئىچىگە ئالغان نۇرغۇن شركەتلەرگە چتېشلىق ئىكەنلىكى تونۇشتۇرۇلغان.
مەزكۇر دوكلاتتا، 30 ياپونىيە شركىتى ۋە ياپونيەدە تېجارەت قىلىدىغان 4 ختاي شركىتىنىڭ مەلۇم دەرىجىدە ئۇيغۇر مەجبۇرى ئەمگىكىگە چېتشلىق ئىكەنلىكى تونۇشتۇرۇلغان.
يېغىنغا يەنە، ياپونىيەدىكى ئۇيغۇرلارنى قوللايدىغان سىياسىيونلار، تەتقىقاتچىلار قاتناشقان بولۇپ، كېلەچەكتە ياپونىيەنىڭ باش ۋەزىرى بولۇش ئېھىتماللىقى بار دەپ قارالغان تاكايىچى خانىممۇ قاتنىشپ مۇھىم سۆز قىلغان ۋە يايونىيە كارخانىلىرىنى ختاينىڭ ئۇيغۇر مەجبۇرى ئەمگىكىدىن ئاگاھلاندۇرغان. ياپونيە ئۇيغۇر جەمئىيتىنڭ ئۇيغۇر مەجبۇرى ئەمگىكىگە ئائىت بۇ دوكلاتى-مەزكۇر جەمئىيەتنىڭ رەئىسى ئەخمەتجان تەرىپىدىن بىر يىلدىن كۆپ ۋاقىتنى سەرپ قىلىپ تەييارلاپ چىقىلغان. يىغىنغا 20 گە يېقىن مەتبۇئات خادىملىرى ۋە 20 گە يېقىن پارلامېنت ئەزاسى ۋە كاتىپلار كەلدى.
ياپونىيە ئۇيغۇر جەمئىيتىنىڭ بىر ئەزاسنىڭ ئۇيغۇر ئاگېنىتلىقىغا بىلدۇرۇشىچە ، ياپونىيەدە ئۇيغۇرلارغا ئائىت مۇنداق جىددى پائالىيەتكە بۇنداق كۆپ مۇھىم ئادەملەرنىڭ قاتنىششى ئاز كۆرۈلىدىغان ئەھۋال بولۇپ، بۇ قوللاش-ئۇيغۇرلار ئۈچۈن ناھايتى مۇھىم سىگنال ۋە ئەھمىيەتلىك ئىكەن.
سۈرەتلەرنى ياپونىيە ئۇيغۇر جەمئىيتى تەمىنلىگەن
