ئىسلاندىيەنىڭ غەربىي جەنۇبىدىكى رېيكيانېس يېرىم ئارىلى گرېنداۋىك بازىرى ئەتراپىدا 14-يانۋار يانار تاغ پارتلىدى. بۇ 2023-يىل 12-ئايدىن بۇيان بۇ رايوندىكى ئىككىنچى قېتىملىق يانار تاغ پارتلاش ھېسابلىنىدۇ.
ئىسلاندىيە ھۆكۈمىتىنىڭ تور بېكىتىدە ئېلان قىلىنغان خەۋەردە مۇنداق دېيىلدى: يانار تاغ 14-چېسلا ئەتىگەندە پارتلىدى. بۇ قېتىمقى پارتلاش يانار تاغ يېرىقنىڭ پارتلىشى، ئادەتتە چوڭ يانار تاغ كۈلىنىڭ ستراتوسفېراغا تارقىلىشىنى كەلتۈرۈپ چىقارمايدۇ. بىخەتەرلىككە كاپالەتلىك قىلىش ئۈچۈن، گرىنداۋىك بازىرىدا شۇ كۈنى سەھەردە تارقاقلاشتۇرۇش ئېلىپ بېرىلدى. قۇتقۇزۇش خادىملىرى ۋە ئالىملار ئەھۋالنى باھالاۋاتىدۇ، مۆلچەرلىنىشىچە، پارتلاش باشقا ئادەم ئولتۇراقلاشقان رايونلارغا تەسىر كۆرسەتمەيدىكەن. ئىسلاندىيەنىڭ دۆلەت ئىچى ۋە خەلقئارا نۆۋەتچى ئايروپىلانلىرى تەسىرگە ئۇچرىمىدى.ئۇنىڭدىن باشقا، ئىسلاندىيە مېتېئورولوگىيە ئىدارىسى شۇ كۈنى خەۋەر ئېلان قىلىپ مۇنداق دېدى: گرىنداۋىك بازىرىنىڭ شىمالىدا ئىككى جايدا ماگما ئېتىلىپ چىقتى. بىرقەدەر چوڭ يېرىقنىڭ ئۇزۇنلۇقى تەخمىنەن 900 مېتىر، كىچىك يېرىقنىڭ ئۇزۇنلۇقى تەخمىنەن 100 مېتىر كېلىدۇ. ماگما، شەھەر-بازارلارغا ئېقىپ كىرپ بىرقەدەر چوڭ زىيان كەلتۈرۈپ چىقاردى.
ئىسلاندىيە مېتېئورولوگىيە ئىدارىسى يەنە مۇنداق دېدى: گرىنداۋىك بازىرى يەر يۈزىنىڭ شەكلى ئۆزگىرىپ، كىچىكلەپ كېتىۋاتىدۇ بۇ ماگما بېسىمىنىڭ تەڭپۇڭلۇققا يەتكەنلىكىنىڭ ئالامىتى، دەپ قارىلىدۇ، لېكىن يەنە بىر قېتىم پارتلاش ئېھتىماللىقىنى نەزەردىن ساقىت قىلغىلى بولمايدۇ.
ئىسلاندىيە ئاتلانتىك ئوكياننىڭ ئوتتۇرا قىسمىدىكى يانار تاغ ھەرىكەتچان بەلبېغىغا جايلاشقان، يانار تاغ كۆپ، گىئولوگىيەلىك ھەرىكەت كۆپ كۆرۈلىدۇ .
ختاي خەلق تورىدىن ئىلىندى.
