ئىستانبۇلنىڭ زەيتىنبۇرنۇدا بۇلاڭچىلىققا ئۇچرىغان ۋە ئۆلتۈرۈلگەن ختاي پۇقراسى ھەسەن نۇرنىڭ قاتىللىق گۇماندارلىرى تۇتۇلغاندا ، قېيىن ئاكىسنى ئۆلتۈرگەنلىكى ئۈچۈن قولغا ئېلىنغان ئىمران ساقچىلارغا مۇنداق دىگەن : «ھەسەن نۇر (تاغام) مېنى تۈركىيەدىكى قۇرئان كۇرسىغا ئەۋەتىشكە مەجبۇرلىغان ئىدى ، شۇ سەۋەبتىن ئانام- ختايدا جازاغا تارتىلدى ۋە تۈرمىگە تاشلاندى»
2024-يىلى 21-ئىيۇن زەيتىنبۇرنۇ سۇمېر رايونىدا يۈز بەرگەن ۋەقەدە ، چەتئەلدىن كەلگەن ختاي پۇقراسى ھەسەن نۇر ئۆز ئايالىنىڭ جىيەنى بولغان «ئىمران» نىڭ ئۆيىگە بارغان. ئۇ ئۆيگە كىرگەندە، ئۈچ كىشىنىڭ ھۇجۇمىغا ئۇچراپ ئۆلتۈرۈلگەن.
گۇماندارلار ھەسەن نۇردىن پۇلنى ئېلىپ ئۆيدىن چىقىپ كەتكەن. ۋەقەگە قارىتا ئېلىپ بېرىلغان تەكشۈرۈشتە ، ساقچىلار گۇماندارلارنىڭ بىخەتەرلىك كامېراسىنى قولغا چۈشۈرگەن. ئىز قوغلاش نەتىجىسىدە ، گۇماندارلارنىڭ سالاھىيىتى ئېنىقلاندى.
گۇماندارنىڭ قىزىقارلىق ئىددىئاسى:
گۇماندارلارنىڭ بىرى- ئۇرۇپ ئۆلتۈرۈلگەن ھەسەن نۇرنىڭ جىيەنى ئىكەنلىكى ئېنىقلاندى. ساقچىلار جىنايەت گۇماندارى ئىمراننى قولغا ئالدى. ئىمران بۇ ۋەقەنى ئىقرار قىلغاندا ، ئۇنىڭ بىلەن قېينىئاكىسى ئوتتۇرىسىدا بۇرۇن ئاداۋەت بارلىقىنى ئېيتتى.
ئىمران .ي مۇنداق بىلدۈرگەن: ئۇنىڭ قېيىن ئاكىسى ھەسەن نۇر ئۇنى قۇرئان كۇرسىغا بىرىشقا مەجبۇرلىغان، شۇنىڭ بىلەن ئۇنىڭ ختايدىكى ئانىسىنىڭ بۇ سەۋەبتىن تۇتقۇن قىلىنىپ تۈرمىگە تاشلانغان. ئىمران ئۆچ ئېلىش ئۈچۈن بۇ ۋەقەنى سادىر قىلغان.
ساقچىلار بۇ ۋەقەگە چېتىشلىق دەپ بېكىتىلگەن بىلالجان ئا (17 ياش) ، ئابدۇسالام ك (17 ياش) ، مۇرات ك (25 ياش) ، ئۆمەر U (19 ياش) ۋە ئارافات ئا (24 ياش) نى قولغا ئالدى. ساقچىلار قەغەز زاۋۇتىغا قارىتا ئىلىپ بارغان ھەرىكەتتە گۇماندارلارنى تۇتقان بولۇپ، گۇماندارلاردىن 8 مىڭ 300 دوللار قولغا چۈشۈرۈلگەن.
ئىلگىرى نۇرغۇن جىنايى ئىشلار خاتىرىسى بار دەپ بېكىتىلگەن گۇماندارلار قاتىللىق جىنايەتلىرى مەخسۇس ئىدارىسىدە سوراق قىلىنغان. قولغا ئېلىنغان گۇماندارلار ئىمراننىڭ قېيىن ئاكسنىڭ پۇلىنىڭ كۆپ ئىكەنلىكىنى ، ئۇلار بۇ پۇلنى ئېلىش ئۈچۈن ۋەقەنى سادىر قىلغانلىقىنى ئېيتتى. ئىگىلىنىشىچە ، گۇماندارلاردىن تېپىلغان پۇل ئۇلارنىڭ ھەسەن نۇردىن ئالغان پۇلنىڭ بىر قىسمى ئىكەن.
گۇماندارلارنىڭ رەسمىيەتلىرى جامائەت خەۋپسزلىكى ئىدارىسى، قاتىللىق جىنايەتلىرى مەخسۇس ئىدارىسى باشچىلىقىدا تاماملانغاندىن كىين، 6 جىنايەت گۇماندارى قولغا ئېلىنىپ تۈرمىگە سولانغان
مەنبەسى:https://t24.com.tr/haber/cinli-enistesini-olduren-zanlidan-ilginc-savunma-beni-zorla-kur-un-kursuna-gonderdi-bu-yuzden-annem-cin-de-hapis-yatiyordu,1171158?fbclid=IwZXh0bgNhZW0CMTAAAR3SToL4BtmTpmQvVndzAIpbUFjW0U8UbzowfYB1oYcwWjeIDg_IS3sWumk_aem_kIsU2snLgz9R9Om82w8o3g
