ختاي ھۆكۈمىتى ترامپنىڭ ئالدىنقى كۈنىدىكى ئاگاھلاندۇرۇشىغا جاۋاپ قايتۇردى.خىتاي ھۆكۈمىتى سەيشەنبە كۈنى بايانات ئېلان قىلىپ، پرېزىدېنت دونالد ترامپنىڭ خىتاي مەھسۇلاتلىرىغا قوشۇمچە %50 باج كىرگۈزۈش تەھدىتىگە قارشى، ئۆز مەنپەئەتلىرىنى قوغداش ئۈچۈن ئامېرىكا بىلەن «ئاخىرغىچە كۈرەش قىلىدىغانلىقىنى» ۋە قارشى تەدبىرلەرنى قوللىنىدىغانلىقىنى بىلدۈردى.
ترامپ ئۆتكەن ھەپتە خىتاي ماللىرىغا قارشى 34% تاموژنا جازاسى ئېلان قىلغاندىن كېيىن، خىتاي ھۆكۈمىتى جاۋابەن ئامېرىكا ماللىرىغا قارشى جازا بېجى ئېلان قىلغان. ترامپ تۈنۈگۈن غەزەپلىنىپ، ئەگەر 34% جازا بېجىنى توختاتمىساڭ، يەنە 50% جازا بېجى قوللىنىمەن دېگەنىدى، ئەمما خىتاي ئامېرىكا بىلەن رەسمىي ھېسابلىشىدىغانلىقىنى بىلدۈردى.
خىتاي سودا مىنىستىرلىقى مۇنداق دېدى: «ئامېرىكىنىڭ خىتايغا قارشى «ساختا ›باراۋەر تاموژنا جازاسى'» قويۇشىنىڭ «ھېچقانداق ئاساسى يوق» ۋە «تىپىك بىر تەرەپلىمە زوراۋانلىق ھەرىكىتى.
«خىتاي قوللانغان قارشى تەدبىرلەر ئۆزىنىڭ ئىگىلىك ھوقۇقى، بىخەتەرلىكى ۋە تەرەققىيات مەنپەئەتلىرىنى قوغداش، شۇنداقلا نورمال خەلقئارا سودا تەرتىپىنى ساقلاشنى مەقسەت قىلىدۇ. بۇ تەدبىرلەر تولۇق قانۇنلۇق، ئامېرىكىنىڭ خىتايغا باجنى ئۆستۈرۈش تەھدىتى «خاتالىق ئۈستىگە خاتالىق» بولۇپ، يەنە بىر قېتىم ئامېرىكىنىڭ قورقۇتۇش خاراكتېرلىك ماھىيىتىنى ئاشكارىلىدى. خىتاي بۇنى ھەرگىز قوبۇل قىلمايدۇ. ئەگەر ئامېرىكا ئۆز يولىدا چىڭ تۇرسا، خىتاي ئاخىرغىچە كۈرەش قىلىدۇ» دېگەن.
سۈرەت مەنبەسى: بىزنىس ئىنسايدىر
خەۋەر مەنبەسى: بىرلەشمە ئاگېنىتلىقى
ئۇيغۇر ئاگېنىتلىقىنىڭ خىزمەتلىرىنى ماددى ياردەم بىلەن قوللاڭ:
https://www.gofundme.com/f/support-uyghur-times-a-voice-for-the-voiceless
