تەجەللى ئابدۇلمەلىك
ئۇيغۇر ئاگېتنلىقى ، 2021 يىلى 28- يانۋار
ئۆكتىچى ئالىكسېي ناۋالنىي شەرتلىك قويۇپ بېرىش مۇددىتىگە كۆپ قېتىم خىلاپلىق قىلدى دەپ قارىلىپ، قايتا قولغا ئېلىنغان بولۇپ، ئۇنىڭ ئادۋوكاتلىرى 17- يانۋار قويۇپ بېرىشنى تەلەپ قىلىپ، سوتقا ئەرز سۇنغان ئىدى. ئەرزنى كۆرۈپ چىققان موسكۋا رايونلۇق سوت مەھكىمىسى ناۋالنىينىڭ قانۇنىي ئورنىدا ھېچقانداق ئۆزگىرىش يوق دەپ قاراپ، ناۋالنىينىڭ قويۇپ بېرىش تەلىپىنى رەت قىلىپ، ئۇنى داۋاملىق تۇتۇپ تۇرۇشقا ھۆكۈم چىقاردى.
ناۋالنىي 30 كۈنلۈك قاماق جازاسىغا ھۆكۈم قىلىنغان بولۇپ، بۇ جازا مۇددىتى 15-فېۋرالغىچە ئىدى. ناۋالنىينى قوللىغۇچىلار 23- يانۋار ھۆكۈمەت رۇخسەت قىلمىغان ئەھۋال ئاستىدا نامايىش ئۆتكۈزدى. ئون مىڭلىغان ئادەم بۇ قېتىمقى نامايىشقا قاتناشقان بولۇپ، پۈتۈن مەملىكەت بويىچە ئېلىپ بېرىلغان نامايىشلاردا 3 مىڭدىن ئارتۇق ئادەمنىڭ قولغا ئېلىنغانلىقى مەلۇم بولدى. كېرمىل سارىيىنىڭ باياناتچىسى دىمىترىي پېسكوۋ ناۋالنىينى قوللىغان نامايىشنىڭ «قانۇنسىز ۋە قوبۇل قىلغىلى بولمايدىغانلىقى» نى ئوتتۇرىغا قويدى. ناۋالنىي 31- يانۋاردا نامايىشنىڭ يەنە ئۆتكۈزۈلىدىغانلىقىنى ئېلان قىلدى.
