تالىبان ھۆكۈمىتىنىڭ ئەخلاق ساقچىلىرى 14-فېۋرال كۈنى كابۇلدا ۋالېنتىن كۈنى ياكى ئاشىقلار كۈنى مۇناسىۋىتى بىلەن قىزىل شارلارنى سېتىۋاتقان ياشلارنى قولغا ئالدى. شارلارنى مۇسادىرە قىلىپ كۆيدۈرۈۋەتتى.
ئىسلام دىنى ۋە ئېتىقادىغا زىت بولغان ئەنئەنە ۋە ئۆرپ-ئادەتلەرنى چەكلەش ئافغانىستاننىڭ ئىچكى ئىشى ئىكەنلىكىنى ئېيتىپ كېلىۋاتقان تالىبانلار، ئاياللار ئەركىنلىكى ۋە تەلىم-تەربىيىسى، كەڭ دائىرىلىك ھۆكۈمەت، ئىنسان ھوقۇقلىرىغا دائىر بىر قاتار مەسىلىلەردە دۇنيا جامائەتچىلىكىنىڭ تەنقىدلىرى نىشانىدا قېلىۋاتىدۇ.
قەندەھاردا ئوقۇغۇچىلار بىلەن سۆھبەتلەشكەن ۋاقىتتا، ئاخۇندزادە ئۆز پەتىۋالىرىنىڭ ئاللاھنىڭ بۇيرۇقى ئىكەنلىكى، ھەدىسلەر ۋە شەرىئەت قانۇنلىرىغا ئۇيغۇن ئىكەنلىكى، قارار چىقىرىشتىن ئىلگىرى ئۆلىمالار بىلەن تەپسىلىي مەسلىھەتلەشكەنلىكى ھەققىدە سۆزلىدى.
خەلقئارالىق جىنايى سوت باش تەپتىشى « ئافغان ئاياللىرى ۋە قىزلىرىنىڭ ھوقۇقلىرىنى قوپاللىق بىلەن دەپسەندە قىلىپ كېلىۋاتقان» تالىبان ئالىي رەھبىرى ھىبەتۇللا ئاخۇندزادەنى قاماققا ئېلىش توغرىسىدا بۇيرۇق چۇشۇرۇشكە تىرىشۋاتقانلىقىنى بىلدۈرگەن.
See insights and ads
All reactions:
1515
