تىنچ ئوكياندىكى سۇلايمان ئارىلى دۆلىتى خىتاينىڭ تەلىپى بويىچە ئامېرىكا دېڭىز ئارمىيەسىنىڭ ماي قاچىلىۋېلىش تەلىپىنى رەت قىلدى
تۇرسۇنجان
ئۇيغۇر ئاگېنتلىقى 2022-يىلى 30-ئاۋغۇست
تىنچ ئوكيان ئارال دۆلىتى، ئاۋسترالىيەنىڭ قوشنىسى بولغان سۇلايمان ئارىلى دۆلىتى ئامېرىكا دېڭىز ئارمىيەسىنىڭ توختاش ۋە ماي قاچىلاش تەلىپىنى رەت قىلدى.
مەزكۇر دۆلەت بۇ يىل 4-ئايدا خىتاي بىلەن بىخەتەرلىك كېلىشىمى ئىمزالىغان بولۇپ، خىتاي ئۇنىڭ تەرەققىياتى ئۈچۈن زور مەبلەغ سالغان ۋە تۈرلۈك يوشۇرۇن ئۇسۇللار بىلەن بۇ دۆلەتنىڭ غەربتىن ۋاز كېچىپ خىتايغا بېقىندى بولۇشنى تەلەپ قىلغان. مەزكۇر دۆلەت مانا ئامېرىكىنىڭ ئەتراپىغا كېلىشىنىمۇ توسماقتا.
ئامېرىكا يىللاردىن بىرى نۇرغۇن ئۇرۇش پاتقىقىغا پېتىپ ئىستراتېگىيەلىك نۇقتىلاردا خىتايغا ئۇتتۇرۇپ قويماقتا.
ئۆتكەن يىلى ئاۋسترالىيە تېلېۋىزىيەسى 60 مىنۇت پروگراممىسىدا بىر قىسىم تىنچ ئوكيان دۆلەتلىرىنىڭ ئاللىقاچان خىتاينىڭ بىر پارچىسىدەك مۇئامىلە قىلىنىۋاتقانلىقىنى خەۋەر قىلغان بولسىمۇ، ئەمما غەرب بۇنىڭغا ئىرەن قىلمىغان ئىدى.
