بايدىن ھۆكۈمىتى دۆلەت بىخەتەرلىك ئىستراتېگىيەسىدە: «خىتاي ئەڭ خەتەرلىك گېئوپولىتىكىلىق تەھدىت» دەپ ئېلان قىلدى
ئۇيغۇر مۇخبىر
ئۇيغۇر ئاگېنتلىقى 2022-يىلى 12-ئۆكتەبىر
بايدىن ھۆكۈمىتى دۆلەت بىخەتەرلىك ئىستراتېگىيەسى ئېلان قىلىپ، خىتاينى ئەڭ ئۇزۇن ۋە ئەڭ خەتەرلىك ئاقىۋەت كەلتۈرۈپ چىقىرىدىغان گېئوپولىتىكىلىق تەھدىت دەپ ئاتىدى.
بۇنىڭدا خىتاينىڭ يەرشارى بويلاپ ئىلىپ بېرىۋاتقان ھەربىي، سىياسىي، ئىقتىسادى پىلانلىرى تىلغا ئېلىنغان. گەرچە ئامېرىكا ۋە غەرب دۇنياسى رۇسىيە بىلەن ۋاسىتىلىك توقۇنۇش ئىچىدە بولسىمۇ، ئەمما خىتاينى ئەڭ جىددىي تەھدىت دەپ قارىغانلىقى دىققەت قوزغىماقتا.
